السلام عليكم ورحمه الله وبركاته ..
قبل كم يوم عملت كبااب جونااااان ولا مطاعم اسطنبول فيييييه لذه مش طبيعيه ..
ملاحظه مهمه ~
بناات جربوا اللحم الطازج المجمدات ما تعجبني في بعضها ريحه من التصبير وسوء التخزين..
يازين الطازج من عند ملحمه معروفه و المواشي مذبوحه ذبح يومها وقولي للي بيشتريها لك
يقول للقصاب ياخذ اللحمه من ذبيحه وحده مو يجلس يشكل لك من كل ذبيحه شوي يكون اطيب ..
والدجاج جيبي صحن صدور دجاج وافرميه بالبيت اذا عندك فرامه او اشتري كم صحن صدور
ووديهم محل اللحم يفرمونه لك .. لا جلد ولا عظم ونظيف ..
نبدأ ~
المقادير :
نص كيلو لحم بقري مفروم فرم ناعم ..
حبه بصل مفرومه فرم ناعم جدا ونصفيها من مويتها ..
كزبره وبقدونس مفروم >> حسب رغبتك الكميه ..
ملح
ملعقه صغيره بودره ثوم ...
ملعقه صقيره ملح >> او حسب رغبتك ..
ربع ملعقه كركم ..
ربع ملعقه فلفل اسود ..
وربع ملعقه شطه بودره >> ما كان متوفر عندي استبدلته بالباريكا..
الطريقه ~
نخلط المقادير سوا عدا اللحمه بعدين نضيف اللحم ونعجنها كويس
ونضربها على الكاونتر لييين ينهد حيلها عشان تطلع يممي ..
نبدأ نشكلها بالأعوااد >> تعبتني لان اللحم ما كان مفروم فرم ناعم جدا لكن زبط ..
واذا احتجتوا اضيفوا دقيق شوي >> انا ما اضفت شي ..
بالصاج نحط زيت اكثر من اللي نحطه لتشويح البصل وونزل الكباب ونخليهم لين يتماسكون مع الحراره
ونبدأه نلفهم شوي شوي عشان لا تتفكك .. نغطيهم لدقايق لين نحس مويتهم اللي نزلت جفت ...
نكون مجهزين مويه مغليه ونزيد كل شوي موويه بشوييش نصبها عشاان لا يخرب التشكيل
وعشان نضمن تكون مستويه يمكن انا زدت موويه 4 مرات ...
بعد كذاا يوم تنشف المويه نجهز جمره ونحط قصديرفيه زيت وسط الكباب بالصاج
ونحط الجمره عليه ونغطيه ونخليه يتحمر ..
طبعا كل الحفله اللي فوق والنار هاديه ..
نجهز زر ابيض سويته بالزعفران الايراني والزبده ..
يتبع ~
وهذا الشكل النهائي ..
هذا جيب التاجر سويته مره من المرات بالعشا ...
وتفضلوا حلو بقلاوه ^_^ من احسن البقلاوات اللي ذقتها بكل حيااااااااتي ...
لبنات مكه وجده من حلويات مهاوي وربي والله ماااااافيه اطعم منها ولا تقارن
بكل المحلات مهما كانت مشهوره لا الجونه ولا غيره ..
وترا صوره البقلاوه وانا جااالسه بهالمحل الجميييييل في الشفا ^_^ ..
اتمنى مووضوعي كان خفيف عليكم ^_^ واعجبتكم الوصفه ..
استنى ردودكم الجميله ..
دمتم جميعاً كما تحبون ..
سُبْحَانَكَ اللَّهُمَّ وَبِحَمْدِكَ أَشْهَدُ أَنْ لا إِلهَ إِلأَ انْتَ أَسْتَغْفِرُكَ وَأَتْوبُ إِلَيْكَ