اليوم اكلنا ملووخيه بالارانب
تهبل وايد وايد حلوة ،، صراحه ما توقعت الارنب حلو جذي :)
مو انا اللي مسوتيها ،، الشغاله سوتها لنا و انا واقفه اتعلم
انا اعرف اسوي ملوخيه بس بالحم او الدجاج
اول مره باالارانب ،،
لا تحاتون صورت لكم الطريقه ..
وهي كالتالي ...
نجيب الارنب .. ونغسله عدل
لازم الارنب ينغسل كثير و بعد الغسل يتنقع بالماء و الملح عشان الزفره تروح
الارنب ننقعه بماء و ملح بالشكل هذا على الاقل ربع او نصف ساعه
الحين نحط الجدر على النار و نغلي فيه ماي
ونحط بهاراتنا اللي هي عباره عن (حبه هيل واحده ) و شوي فلفل اسود .
نخلي الماي يغلي و نحط قطع الارنب
الحين نخلي الارنب في الماي يغلي على الاقل ثلاث ارباع الساعه عشان نتأكد انه استوى
ونضيف الملح و حبه ماجي ( لا تنسون )
المهم يستوي الارنب و نطلعه من الجدر بالشكل هذا
هذه الملوخيه لما ذابت من الثلج
و هذا الماي اللي يغلي انا ضفت له طماطه واحده مقشره عشان تنهرس مع الماء
وسكرت الجدر عشان يصير الماي حار اكثر
وبعدين صفيت الماء و صار بالشكل هذا