وصفة من خالتي لعلاج الكحة

حبايبي حبايب حواءجايبه لكوا وصفة للكحة من عند خالتي حبيبتي والله والله لو جربتوها هتلاقوا مافيش احسن منها
ولعلمكوا كل العيلة بتعتبر خالتي مرجع ليها في كل حاجه وهي ماشاء الله عليها لكن عندها عيب مش بتتكلم وتقول الا لما حد يسألها وصاحبتكوا لاميتا غلباويه معاها شويه لأأأأأأأأأأأأأأأأأأأ شويتين
بلاش أطول عليكوا
هيه بتجيب أوزان متساوية من عدة أعشاب ونقول مثلا 50 جرام أو 100 جرام من كل من
شمر - محلب - حلف بر - مرمرية - زعتر
بابونج - بردقوش - حبة البركة - نعناع - ينسون
طريقتها بقي لما تطحن كل الأعشاب دي بتوزعها في أكياس علينا كلنا علشاننا وعلشان أولادنا وتقول لنا أعملوها كانكم بتعملوا شاي يعني ناخد معلقه صغيره من الأعشاب دي ونغليها مع كوب ماء غلوة واحده بس ونصفيها بمصفاه حرير صغيره علي قد الكبايه ( علي فكره هي بتوزع علينا المصفيات ) عارفانا كسالي
جربوا طريقتها وادعوا لها ( هي والله في حاجة للدعاء )