~ P!NkY RoSe ~ @pnky_rose
عضوة فعالة
وصفة مهمة قبل وضع المكياج للمناسبات
بسم الله الرحمن الرحيم
السلام عليكم ورحمة الله وبركاته
كيفكم أحلى بناات :27:
يارب تكونوا بألف خيير
بقالي فترة كبيييرة ما كتبت مواضيع جديدة
حبيت أفيدكم بوصفة رووووعة
وهي لو عندك مناسبة وحابة تحطي مكياج لمناسبة أو سهرة
ويكون شكل المكياج نظيف ومش مشقق
اعملي الوصفة دي قبلها مباشرة وهتحسي أكيد بالفرق
الوصفة دي نتيجتها روعة وكمان بتبيض وتنقي البشرة بالأستمرار عليها
وبتقلل افرازات البشرة الدهنية وبتخلي المكياج يثبت أكتر
نيجي للوصفة
المكونات
1 م ك عسل
1/2 م ص نشا
1/2 م ص بيكنج صودا
(مش بيكنج باودر بتاع الكيك)
1/2 ليمونة
2 م ص سكر
الطريقة
اخلطي المكونات مع بعضها
هتلاحظي ان البيكنج صودا بتفور أول ما تحطي الليمون
قلبي الخليط ده بسرعة وحطي الخلطة على وشك
وابدأي في فرد الماسك وافركي بشكل دائري لمدة دقيقة كاملة
سيبي الماسك 5 دقايق وبعد كده اغسلي وشك بماء دافي
وفي الآخر اغسليه بماء باارد
نشفي وشك وبعد كده امسحيه بقطنة فيها ماء ورد علشان نقفل المسام
ورطبي وشك بأي مرطب غير دهني للبشرة الدهنية ومرطب عادي للبشرة الجافة والعادية
سيبي الكريم ينشف وبعد كده ابدأي في وضع المكياج عادي
جربيها وهتتبسطي من النتيجة جداااا
طبعا الوصفة عن تجرررربة
والموضوع مجهوود شخصي لبنكي:26:
دمــــــتن مشرقـــات
8
866
يلزم عليك تسجيل الدخول أولًا لكتابة تعليق.
حكاية قديمة
•
الله يعطيك العافيه
الصفحة الأخيرة