إنـ شاء الله انكم بخير
من زمان مانزلت مواضيع...||
بس اليوم قلت خلني انزل لاخواتي في ||عالم حواء||
×تجربتي×......الرائعه في عمل مقشر للوجه مقشر ماراح تقدري تستغني عنه
ومن اول استخدام وربي يشـــــــهد علي وعن تجربه وراح يصير هو الحب:heart:
كنت بيوم من الايام فاضيه ومنبطحه في صالتي الرماديه وابو الشباب معزوم كالعاده وكنت اتفرج على فلم هندي:f226: ومندمجه ودايما يعجبني نجمات بو:43:ليووود :love: واشوف الاجسام والا الشعور ولا المكياج والشياكه ........وقلت يابنت الحلال ويش قاصرك الحمد لله بس هذولات <<<حلوه هذولات خخخخخ
يهتمن وانتي ماغير نايمه وتشارخين
المهم تعوذت من ابليس ورفست الكسل رفسه توديه قلعه وادرين .....وبحثت عن وصفات في الانستقرام المهم واختكم بالله:icon19: تلاقي وصفه تقشير للوجه ومن المعروف قبل اي قناع لازم نحك الجلد حكاً زين مازين
وارح احضر الوصفه اللى راح اذكرها لكم مع الطريقه تحت عاد لا تجيني مدرعمه وتقول وين تحت :01:
المهم حطيتها وبعدها مااحتجت احط اقنعه من حلاوتها والله صار وجهي يبرق ولا وجه كارينا كابور :bkh:
إليـــــــــــــكم الوصفه البوليوديه://
برتقاله وياويل وحده تجي تقول ويش هي البرتقاله اه اها عذبتي حاله اه اه فديتي اللي يلحن
وبيكربونات الصوديوم وفي منها في الصيدليه بس الجود من الموجود
هذي ياطويلات العمر المقادير برتقال*بيكربونات الصوديوم
والطريقه :0 اول شيء تجيبي منديل او منشقه وتبليلها بمويه حاره وتمسحيها على الوجهه.........تخلطي البرتقاله مع ملعقه بيركبونات الصوديوم لما يعطيك قوام عجينه وتلبخبنه على وجهك اوووووووه اقصد تحطيه على وجهك الحلو ياحلوو
:
:
وتتركيها على وجهك 15دقيقه او لما يجف وممكن تخلصي شغل البيت او التلفزيون او ونتي جالسه على الواتس تراقبي صورة فلانه وحالة اخت زوجك خخخخخخخ استفيدي من الوقت
وبعدها روحي للمغسله وافركي وجهك بشويش بشويش مو كانك تتفركي قدر الجريش المحرووووق ..........ز
واغسلي وجهك ومافي مشكله تيدي طريقه المنديل بالمويه الحاره وبعدين اشطفيه بالمويه البااارده ويستحسن الثلج
وبس
انتظرووووا وصفتي الاخرى بس يوم يروح عني الكسل :f226:
