الحين من قال ان عندي درزن عيال انا ماعندي ولا ولد ولاهمني احد خلقة بنتي الحمد لله زينه وش ابي بعد واذا على المواقف عندي اعظم منكم فيه منهم ماسلم علي يوم جبت بنتي وفيه منهم ما اتصل يقول الحمد لله على السلامه كل هذا لاني جبت بنت ولاهموني واهل الزوج لو وحده من بناتهم عندها صفة بنات عسل على قلوبهم لكن انتي ياحرمة الرجال لا مو بكيفك تجيبين بنات وانتم تدرون ان كل شي بيد الله سبحانه ليش تعطون مجال للحريم اللي يلعبون ولاقينكم وسيله لكسب المال من علاجات واهم شي زوجك فهميه اذا مايبي يفهم عمره مافهم والرجال اللي مايبي بناتي وهذا تفكيره مايشرفني يكون ابو بناتي وخيره لي اذا تزوج او طلق ولا اكمل باقي عمري مع واحد هذا تفكيره الحمد لله .. وليش تسكتون على اللي يتكلمون من الناس ردي هي مره مرتين وبعدها محد بيجيك في شي ووش فيها البنت لولا البنت ما اعرسوا الرجال ولولا البنت ماجاهم عيال ولان كلامي صح مو عاجبكم ولاتقوولن ماعندي مواقف ومدري ايش عندي اللي الله يعلم به لكن احتسب الاجر وادعي ربي يطرح البركه في بنتي ونشوف في الاخير العيال اللي قطعونا فيهم والا صبري واحتسابي للاجر ودعائي لله سبحانه ..
واتعب نفسيتي على ناس همجتفكيرهم منحط ليش والله مشلكتهم اذا هذا تفكيرهم ورايهم مو مشكلتي انا الحمد لله ربي عطاني عقل افكر فيه ماعندي استعداد استخدمه لناس مثل هذي واتعب نفسي ..
ويا اخت توليب انا اعرف اداب الاسلام واعرف الاحترام وما انتظر منك تجين تعلميني ولو ما اعرف مارديت الرد هذا لكن انتم مو عاجبكم الا كلام الحريم اللي عندها علاج يجيب ولد ويجيب بنت واللي قالت سمعت المطلق يحلل انا ماحرمت ولاتقولوني قول ماقلته ولادخلت في الافتاء انا قلت اللي المفروض كل وحده منكم تسويه ماقلت حرام وبتذكرون كلامي هذا لكن مو الحين بعد مرور الوقت بتذكرون كلام قمر كله وانه صح .....

ويالمزووووووون انا عقلي كبير ولله الحمد لو عقلي ناقص رحت اسوي مثل غيري وانتبهي للالفاظ زين وتقدرين تحلفين اني استخف فيكم وتحطينها في ذمتك وبيني وبينك الله ؟؟
اذا تقدرين تراها في ذمتك واذا ماقدرتي حاسبي مره ثانيه على كلامك وارجعي فكري في الموضوع وبتعرفين ان معي حق في كل كلمه ..
يكفي اني الحمد لله ماتعبت نفسي عشان زوج و اهل زوج وعشان ناس ساذجين يفكرون بعيال وبنات ولايفكرون بحسن الخلق والخُلق ......وانا ماغلطت على وحده منكم ولاقلت ماعندكم عقول قلت انتبهوا لانفسكم وتوكلوا على الله .. لاتقولين اني استخف ما احب احد يجي لي في شي بالذات وانا عارفه وش قلت وش ماقلت انتبهي....

ياقمر ياعسل هدي اعصابك ترى السالفه ماتستاهل!! انتي يمكن مايهمك، بس صدقيني الموضوع(( حساااااااااااس جدا)) وأنتي توك عندك بنت وحده الله يخليها لك يارب بس اللي عندها اربع وخمس بنات وأكثر مايفكرون زيك اولهم انا..
عندي اربع بنات الله يصلحهم بس قايمه قاعده ادعي ربي يرزقني ولد معافى صالح بار..
ماتتخيلين لما وحده تحمل وتخاف من عينك وإذا زرتيها قامت تذكر الله علشان ماأحسدها وتصجنا ولدي صياح ولدي ومريض ولدي فيه ومافيه؟؟ وإذا ولدتي انتي وجبتي بنت أعوذبالله ماتتخيلين الرحمه على وجيهم مثلا انا اخر بنت جبتها عمليه وحده تقول
(( ياربي مسكينه عمليه وبنت؟؟؟؟))
تخيلي انك تسمعين الكلام هذا خخخخخخخ شر البلية مايضحك...
خلوني اخاف من الحمل ارحمهم اكثر من نفسي احس نفسياتهم تتعب اكثر لأنهم يخافون مني احسدهم هههههههههههه صرت لهم بع بع بع بع ههههههه.
لاتقولين لاتزورينها لازم لأنهم قريبين لي ولزوجي؟؟
بس الحمدالله اللي من ربي نعمه ورضا..
زوجي يمكن ماأزعجني بس كل ماحملت قال الله يرزقنا ولد صالح طيب بار. وش معنى كلامه معناه منقطع قلبه يبي ولد اخوانه كلهم عندهم اولاد وهو بنات اكيد ضايق صدره..
بالعكس انا ابي اكثر منه وأستخدمت بعض الأشياء اللي سهله لأني عجازه،ههههه
اللي تجيب ولد وياليت عندك بيالات تجيب اولاد إنكان آخذ منك اربع خخخخخخ علشان يصيرون اربع اولاد واربع بنات..
بس ياحبيبتي ارجوك تدعين لي ولكل وحده يرزقها ربي اللي تتمناه ولله يرزقنا من اوسع ابوابه وألله كريم الله يصلح لنا النيه والذريه يارب ويرزقني انا وأخواتي بنات حواء ذرية من ذكور وإناث معافين صالحين بارين اللهم آمين يارب العالمين..
وترى الولد إذا اصلحه الله نعمه كبيره زي البنت إذا اصلحها الله..وإذا الله ماأصلحهم قلتي ياليتني ماحملت ولا ولدت الله لايبلانا..
مشكوووووووره ياقلبي وآآآآآآآسفه للتطويل..

جزاكي الله خير يا اجمل الزهور كفيتي ووفيتي

للرفع