وصفه بعد حلوه

هلا بنات عندي وصفه حلوه وايد ان شاء الله تعجبكن ... انا كل وصفاتي طبيعيه لان اضمن لكن من الوصفات الكميائيه الي تنفعج لمده معينه ثم تضرج بعدين وشو فايدتها اذا كانت جيه . بليز بنات ابتعدن عنها لانها مضره والله . انا مثل اختكن احب مصلحتكن وصحتكن يا حبايبي .

وصفتي هاي سهله ما يبالها شي . يستعملنها عدنا في الخليج وخاصه في دوله الامارات متداوله بين العرايس ولا تزعلن بعد يستخدمنها البنات مثلكن . والوصفه هي عشان ما اطول عليكن :

1- ماده اسمها الـنـيل وهي كحليه اللون موجوده عند الايرانين في السوق في الامارات ، وموجوده عند العطارين في باقي دول الخليج في الكويت والسعوديه ...الخ. شكلها نفس ما قلت كحليه اللون ، في منها مطحون ومنها على شكله الطبيعي بس يفضل انج تاخذين الي تكون شكلها دائري وتطحنينها عندج في البيت يفضل بس يا بنات مش تطحنينها في المكينه وبعدين تخترب مكينة بيتكم وبعدين اتقولن صوفيا خربت مكينة بيتنا .. انا مالي دخل اذا صار شي من جيه . هي ماده صلبه وايد تنطحن بالهاون . لا تقولون ما اتعرفون شو هو الهاون .
2- ثانياً تنقعينها الماده المطحونه مثل البودره في ماي او زيت زيتون بس يفضل الماي من الزيت الزيتون . لان زيت الزيتون يسمر الجسم بـــــــــــــــــليز ابتعدن عنه . هاي الخلطه تتكون من شيئين الماده المطحونه مع الماي وتنقع لمده يوم . وتستعملينها متى ماتبين وهي ما تخترب ابد .
3- تفركين الماده في جسمج كله وين ما تبين لانها تبيض الجسم والله اتخليج بيضه واتزيدج جمال فوق جمالج. اتخصصين ملابس خاصه لهاي الشغله لانها اتوسخ الملابس وبعد لانها صعبه انها اتزول عن الملابس.
4- وكل ما تتسبحين ،وبعد اتمين تفركين جسمج ابها كل مره . العرايس في الامارات يستعملنها لمده تقريباً شهر. بس عادي اذا كان لمده اسبوعين. لان النتيجه بتظهر اصلاً من بعد ثاني مره تستخدمينها .
5- وبعد هاي الشغله اتسيرين اتسوين حمام مغربي . عشان يزول اللون الكحلي عنج . واتشوفين نفسج ملاك بعد تعبج منها. وبعدين بتدعون لصوفيا بالخير واتم اتقول لكم كل ما تبون.... اسالوني لاني احب اسأل واستفسر عن كل شي اريده.
6- اكيد بتسالوني عن كميه المقادير . مش مهمه انتي اخلطي على كيفج . بحيث يكون النيل اكثر عن الماي .
يالله بالف سلامه وانتظروا المذيد من الخلطات الطبيعيه من طبيعتنا الخـــــــــــــــــــــلابه . لو تدرون معني انا مشغوله وايد بدراستي الجامعيه بس يالله . احلى شي انا نستفيد من غيرنا ناخذ ونعطي نتبادل ثقافاتنا وعاداتنا .
اعذروني اذا طولت عليكم .......عندكم أي سؤال اسالوني انا حاظره ؟.