شوفو هاذي اساس البلا وامراض الاطفال وفقدان الشهيه والامراض فلاتستهينون فيها والله عندي الطفل يبكي يبكي يبكي ولاياكلها حتى لو يبي يجوع بسببها اخليه يجوع ولاياكلها
الحين اقولكم نظام خطير دعواتكم للي نصحتني فيه ولبنتها
تاخذين زنجبيل طازج مقطع بهالشكل
وتحطين كم قطعه في قارورة موية صحه
بس لاتكثرين عشان لاتصير تحرق ومايشربها الحين يجي يدورك هالوصفه تسوينها اول ماتصحين من النوم وبس يصحى طفلك عطيه مقدار الغطا منها بأي طريقه اعتبريه علاج وجاهدي الين يشربها بعدين عادي يمارس يومه طبيعي ياحبذا تغذينه وتبعدين عن الاكل الجاهز والاشياء الضاره واستبدليها بالفواكه والخضروات
وبعد كل وجبه اعطيه من المويه حاولي تخلصين نص القاروره على مدار اليوم كله والباقي حطيه بالثلاجه لبكره ونعيد نفس الشي يعني كل يوم نصف قاروره
الوصفه الثانيه قبل النوم وبعد وجبته عطيه شريحة ثوم يبلعها بس حاولي تكون صغيره عشان مايغص
هالوصفتين تقضي على كل مشاكل الطفل بأذن الله لانها تطهر الجهاز الهضمي وتنظفه وتسلكه وبالتالي تصلح جميع اجهزت الطفل لان الهضمي اهم جهاز اذا صلح صلح الجسم كله حتى الامساك والديدان وكل المشاكل بتنحل بأذن الله بس جاهدو جاهدو ترى الطفل مارح يشربها بسهوله لاتيأسون ولاتستعجلون النتايج حتى البشره بتتعدل
وتصير صحيه واعتمدوها طول العمر وافصلو اسوع بعد كل شهر استمرار اقطعو اسبوع وارجعو وهكذا
بنات تراها نصيحه من ذهب وحبيت افيدكم فيها لاتمرون عليها مرور الكرام لاتنسون فوايد الزنجبيل والثوم ترى بعد ترفع المناعه وتصير زي الحمايه من الامراض والفيروسات وبالتالي طفل صحي سليم
لاتنسوني وصاحبة الوصفه من دعوه حلوه بجوف الليل :26: