هالطبق ياي من بعييييييييييييييد.... قديم حده...كأني اسمعكم تكحون من الغبار !!!!
امس كنت محتاره شسوي للديوانيه ..وجا على بالي أسوي هالطبق .آخر مره
سويته من 16 سنه !!! وكان مشهور جدا وقتها عندنا .. ودايما يذكرني باخت
عزيزه على قلبي من قرايبنا رحمه الله عليها ..كانت تحبه وايد ....
ملاحظه : الشتني تنطق الجيم مثل حرف ch
كيكه الشتني واللبنه
المقادير : 15 قطعه توست ابيض أو أسمر أو تخلطين النوعين ( أنا حطيت طبقتين أسمر و3 طبقات أبيض )
2 شده كبيره كزبره 2 فص ثوم 1 أو 2 فلفل أخضر حار 2 ملعقه كبيره جوز هند
ملح عصير ليمونه
1 علبه روب ( زبادي ) 1 علبه لبنه
للزينه: 1 علبه لبنه + اوراق نعناع طازج + جزر مقطع حلقات
وقت التحضير للشتني 30 دقيقه وقت اعداد الطبق 30 دقيقه
الطريقه :-
1- تقطع اطراف التوست( ولا ترميها اطحنيها وسوي كيك الكراميل ..تطلع عجيبه )
كيك كراميل رهيب..انا ما توقعت يطلع بهالشكل الحلو ..ومصور
2- توضع اوراق الكزبر بالخلاط بالتدريج بالخلاط مع الليمون والفلفل والملح والثوم
وجوز الهند ..حطي شويه كزبر واخلطي ثانيه وحد ثم كرري لباقي الكزبره لانه مع الخلط يصير كميه صغيره واخلطي الجميع جيدا حتى يصبح خليط ناعم ..
3- يخلط الخليط السابق مع الروب جيدا ..ويصبح لديك خلطه الشتني ..هذه الكميه استعملت نصفها فقط للكيكه..
4- نضع طبقه من 3 قطع توست بصحن التقديم ثم نمسح الوجه باللبنه ثم شويه من الشتني ونكرر الطبقات على ان تكون آخر طبقه خاليه بدون لبنه أو شتني.
5- نخلط علبه اللبنه الثانيه بالملعقه جيدا حتى تلين ثم يمسح بها التوست من الاعلىوالجوانب ..ثم يزين بالنعناع و حلقات الجزر ..ويدخل الثلاجه حتى يتماسك شويه ربع ساعه على الاقل ويقدم بارد ..
وباقي خلطه الشتني ممكن تدهنين التوست مع اللبنه وتقدمينها على العشاء..
وان شاء الله تعجبكم ...