حياكم حبايبي ......... كيف حالكم واحوالكم
شوفووو انا من اسبوع سويت مخلل على كيف كيفكم
مدري انا اموت فيه وحتى الي يتوحمووو يحبوه
المهم
مخلل اليمون .... دايم اسويه في بداية الصيف ويجلس فتره
مقاديره على كيفكم تبون كثير تبون قليل
انا سويت كيسين من اكياس اليمون الصغير بن زهير
نبدا بسم الله
نجيب الليمون ونغسله ونشفه ونحطه بطاسه كبيره
ونشق اليمونه بالسكين يعني نقطعها بالطول وتكون مقسمه اربعه اقسام متماسكه من تحت
مثل كذا
ثم نخلط ملح خشن يعني حوالي كاسين
مع ملعقتين من حبه سوداء وكركم وشوي مصفر
ونبدا نحشي الليمون بالملح ونحطه ببرطمان ونضغط عليهم باليد الين نخلص ونغطيه
ونتركه بمكان حار لمدة اسبوعين ........بعد اسبوعين حينزل مويه تغطيه بس حطي عليه زيت زيتوون واحفضيه وين ما تبين انا تاركته برى بالمطبخ يعني مو بالثلاجه
وهذا شكله النهائي بعد اسبوعين
اتمنى من كل قلبي انه يعجبكم واي سؤال انا حاظره