السلام عليكم
اولا انا للا سف عانيت معاناه شديده مع نحافة بنتي صح انها مو شديده لكنها مو مقبوله فاستخدمت هذه الوصفه والحمد لله كل شي تغير
يعني نموها تطور بسرعه ووزنها زاد بسرعه وحلوت فديتها
والحين نجي للوصفه
خليه فطور او سناك اوعشا براحتك ويستحسن لو يكون مرتين باليوم وهو
علبة لبن زبادي كااامل الدسم ويفضل المراعي لان طعمه مقبول افضل من نادك
>>>تسوي دعايه
وتخلطين معه ملعقه كبيره طحينه
وملعقه صغيره او وسط براحتك عسل
وتحركين زين وتسمين بالرحمان وتاكلين الطفل وبعد ما يا كلها رضاعة حلبه مغليه غلي زين ومبرده وتحلينها بسكر نبات او عسل او تستخدمين موية الحلبه بحليب الطفل
يعني بدل ما تحطين مويه مغليه تحطين مغلي حلبه وتحطين الحليب ولا تنسين المديد اللي هو منقوع التمر
ويااارب تبين النتائج معاكم واللي حابه تضيف شي حياها الله
بس بغيت اقول شي اللي يقول العسل مو زين للاطفال والحلبه بعد والله امي استخدمتها فينا كلنا والحمد لله مافينا الا العافيه واخواتي استخدموها لعيالهم ولا منها ضرر وانا اعرف وحده جارتنا من حايل تقول عندنا بحايل الحلبه اهم شي للرضيع والله انا صح ريحتهم حلبه لكن والله العظيم صحه وجمال ما شا الله وغير كذا ذكاء ما شالله
ومابي منكم الا دعوه حلوه