وصف الجنة سبحان الله ..

السلام بنات اخباركم ان شاء الله تمام ..
تعالوا معاي شوي نتكلم عن وصف الجنة المذكور في القران ..
اول شي لازم تعرفينه ان الجنة مو وحده للكل يعني الموؤمن مو مثل المسلم صح والا لا الجنة مراتب ودرجات كل شخص حسب عمله , طبعا ادنى مرتبة واقل مرتبة في الجنة تخييييلوا كم تساوي = عشر اضعاف اغنى ملوك الارض !! سبحانك , وارفع درجة هي الفردوس وفوق الفردوس العرش طبعا الجنة مستحيل نقدر نتصورها او نتخيلها لو كتبنا ملايين السطور , لكن تخيلي بس اهل الجنة جالسين على الارائك متكئين وتحتهم انهار جارية !! والانهار بالجنة كثيره ولها اسماء نذكر ابرزها واشهرها اللي هو نهر الكوثر طبعا هذا النهر يكون واقف عنده منو ؟ الرسول صلى الله عليه وسلم في الموقف العظيم يشرب منه المؤمنين طبعا هذه الشربة لايظمأون بعدها ابدا .. طيب هل هذا النهر نهر عادي زي نهار الارض ؟؟ طبعا لا هالنهر اشد بياض من الثلج وطعمه احلى بكثير من السكر وكمان الاواني اللي يشربون منها تكون من ذهب وفضة , ياسلام ..
وفيه نهر البيدخ هذا خاص للشهداء يغمسون فيه لما يطلعون منه يصيرون مثل القمر ليلة البدر ويتخلصون من كل اذى بالدنيا .
وفيه عين سلسبيل طبعا هالنهر خاص للابرار وهالنهر ممزوج بالزنجبيل .
وفيه نهر تنسيم هالنهر مصنوع من الرحيق المختوم .
طيب نجي وصف للجنة بشكل عام ,
اول شي وجوهم نظرة .. يسقون من رحيق مختوم ! جالسين على منابر الياقوت متكئين على ارائك منصوبة عل اطراف انهار بالعسل والخمر , حولك الولدان والغلمان , حولك الحور العين , ايش وصفهن ؟؟ كأنهن الياقوت والمرجان شكلات غنجات !! لم يطمثن انس قبلهم ولا جان , وهذا طبعا ولاشي فيه الاعظم هو انك قاعدة وتشوفين الله سبحانه وتعالى !!! يارب .. طبعا اللي يدخل الجنة خلاصصصصص مايطلع منها يصير خالد مخلد فيها .. طيب كيف شكل مساكن اهل الجنة ؟؟ هي غرف مبنية بعضها فوق بعض طباق مبنيات محكمات مزخرفات عاليات .. تجري تحتها انهار .. واللي ماتعرفونه ان اهل الجنة لما يدخلونها ويجون مساكنهم يتعرفون عليها كأنهم سكنوها قبل ,
طيب راح نلتقي باهالينا والناس اللي نحبهم بالجنة ؟
الله سبحانه وتعالى وعد الابرار المتقين الصالحين , ان يجمعهم باسرهم واهل مودتهم في الجنة من الصالحين حتى تخيلوا لو كان ب ادنى درجة من الجنة راح يجمعك فيه .
الجنة مالا عين رأت ولاأذن سمعت ولاخطر على قلب بشر !!
فيها كل شي نبيه قصور من ذهب وفضه , حدائق كثيرة فيها اشجار وثمار عظيمة الظلال , وانهار حوافها ذهب ومجراها الدر والياقوت , ترابها اطيب من المسك , ماؤها احلى من العسل , الانهار مختلفه هناك انهار منى لبن وهناك انهار من عسل وهناك انهار من خمر .
طيب مين اول شخص يدخل الجنة ؟
اول شخص يدق باب الجنة هو الرسول صلى الله عليه وسلم بعدها يتقدمون المؤمنين وتفتح الابواب مين اللي يستقبلهم ؟؟ الملائكة .. يالله , طبعا يستقبلونهم ويهنئونهم .. طبعا الجنة لها ثمانية ابواب فيه باب للمصلين وفيه باب للمتصدقين وفيه باب للمجاهدين وفيه باب للصائمين وبكل باب ملائكة تنادي لك للباب اللي يخصك .
طيب كيف يكون لبسنا ؟ لبسهم من افخم الثياب لايبلى من حرير وسندس واستبرق يلبسون الحلي من ذهب وفضة .
وفيها زوجات الحور العين ايش وصفهم ؟ اول شي جميييييييلات جدا , طاهرات , ابكار , متحببات لازواجهن , جمالهن يضاهي اللؤلؤ والياقوت والمرجان .
طيب ايش هو وصف الرجال فيها ؟
يبعث الله الرجال فيهم على صورة ابيهم ادم جردا بمعنى بغير شعر يغطي اجسامهم , مردا بمعنى طوال القامة طولهم 33 متر , مكحلين , عمرهم 33 , لغتهم العربية , لايموتون ولاينامون .
طيب احنا نساء الدنيا المؤمنات اذا دخلنا الجنة ان شاء الله كيف راح يكون وصفنا ؟
ملكات جمال وراح نكون افضل واشرف واكمل واجمل من الحور العين تخيلوا !! والزوج يناظر مخ ىساق زوجته مثل ماينظر الى السلك من الفضة والياقوت .. سبحان الله .
طيب منهم هم خدم الجنة ؟
الغلمان .. صغار يطوفون على اهل الجنة بالطعام والشراب رؤيتهم وحدها مسرة تخيلوا ,
طيب لو اشتهى واحد من اهل الجنة طفل ؟ اعطاه الله مو بس يعطيك ايضا يوضعه ويسنه يعني ينموه للسن اللي تبينه وفي الساعة اللي تبينها .. ياااارب
طبعا لو اتكلم من هنا لسنة قدام مراح اخلص من وصفها ..
الله يجعلنا من اهلها يااااارب ..