وصف لأعشاب نظام فيافي..لا تنسوا أسرانا تفضلي..

السلام عليكم يا أحلى بنات...اللي تبغي تطبق نظام فيافي تلحقني...قبل كل شي ابغي أشكر لا تنسوا أسرانا على مساعدتنا في فهم و تطبيق هذا النظام و ان شاء الله كلنا نستفيد منه..و لو انا بنثقل عليج شوي يا لا تنسوا أسرانا و خاصة انج في شهورج الأخيره بس سامحينا و لج الأجر ان شاء الله والله يسهل عليج و يرزقج الذريه الصالحه..
أنا الحين في شهري السابع و قررت اني أجرب النظام بالرغم من اني ما أعاني من الأعراض اللي قلتوها بس الوقايه خير علاج..اشتريت الأعشاب بس لأنها غريبه علي و أكيد على غيري حبيت أكتب مواصفات كل عشبه علشان نتأكد و ما نستخدم الأعشاب الغلط..و لو سمحتي لا تنسوا أسرانا صححي أي شي غلط اذا مب نفسه اللي قصدتيه..
بسم الله..
القيصوم: عشب بيج يشبه البابونج
هدب أثل: كور بنيه غير منتظمة الشكل أو الحجم
حزاة: مثل نشارة الخشب أو القش المكسر كسر صغيرة
فلفل هوا: قاللي انه نفسه خواجوا و راواني كتاب مكتوب فيه المرادفات و هذا العطار وايد ثقه عاد مادري شو رايج.. هو حب أسود مثل الزبيب الأسود بس أصغر و يابس.
عود هوا:أعواد خشبيه مثل المسواك بس اغمق و أقل انتظاما و أكثر تعرجا.
محلب: حبوب مثل اللوز بس أفتح في اللون و أصغر بوايد..بس هل يكون مطحون للمنقوع واللا حب؟
قشر قهوة: من برا مثل الفول السوداني و هو عباره عن قشره مقسومة من الداخل لقسمين مثل حبة القهوة
الملح الفارسي: مثل الشبه
عنزروت: حبيبات صغيرة بحجم الملح الخشن و فيها كسر أكبر بألوان مختلفه أحمر، برتقالي، أصفر بس قاللي العطار انه ما ينأكل اللا للمظطر مثل كحه شديده ما فاد معها شي و ياخذ مقدار حبتين عيش فكيف نحن نشرب منقوعها؟
نونخا: اسم ثاني أمي بعد قالت لي عنه(زموتا) مثل حبات الكمون بس أصغر
أما الباقي فأعتقد انها معروفه للجميع بس بقى طريقة تنظيفهم؟يا ليت اللي تعرف تخبرنا