وصلانة معى والسبة زوجى

هلا فلوة اعطية فترة شهر لاتجيبين اي سيرة ولاتلحين علية .. خلية يقلب الموضوع براسة شوية
لأن يمكن مايبغى يبين انة نفذ كلامك على طول :29: ولاتنسي ايضاً انك فاجأتية بالموضوع لذلك اصبري
وحاولي بعد فترة تطلبية بطريقة وبأسلوب مؤثر وانتي ومهاراتك الزوجية وانا اتوقع انة راح يجيب
لك شغالة ان شاء الله والله يكون بعونك شغل البيت فعلا ماينتهي .................:26:

هلا اختي
لاتكدرين خاطري كل الرجال كذا يعندون في البدايه صدقيني بيوافق يجيب لك شغاله بس لاتفكرين تروحي لاهلك عشان هالسبب ترى هالرجال بيركب راسه ويطنشك وتقعدين بحسرتك
حبيبيتي زوجي رفض ومع الزن لااااااااان راسه
بس طولي بالك وحاولي ماتنرفزينه تعالي له في الطيب وبيكون اطيب منك

عزيزتى فلوه .....

مافيه مره عاقله تترك بيتها وعيالها عشان مشكله تافهه .
لاتزعلين منى انا زى اختك .وتر مشكلتك لها الف حل.وخروجك من البيت ماراح يحل المشكله ,بالعكس راح يزيدها تعقيد.
والرجال ما يحب الزوجه العنيدة .
اختى تعوذى من ابليس ولا تغضبين ربك وزجك وتقصرين فى مسؤليتك تجاه اطفالك وهم مالهم اى ذنب .
والسبب شغالة .
وسعى صدرك .ياعزيزتى ونظمى وقتك وخلى اولادك يساعدونك فى ترتيبالبيت واالى ماتقدرين عليه اليوم بكره كمليه .
وعلى فكرة فيه شغالات يجون بالساعة .تقدرين تطلبينهم مرة فى الاسبوع .بحيث ان زوجك يكون فى الدوام .وخليها تنظف البيت .وبكذا يخف عليك الشغل .
ومدام زوجك مهوب راعى عزايم وضيوف تقدرين تنظمين وقتك .
ومدام انه انسان محترم ويحبك ويقدرك .احمدى ربك ولا تدمرين حياتك بايدك .
استعينى يلعزيزتى بالله واطلبيى العون منه .وانتبهى لاتهدين بيتك.
الله يهدى بالك ويوفقك .

ياهلا والله بفلوة البنت الحلوة

اول شى حبيبتى استعيذى من الشيطان الرجيم ........حبيبتى انا معاك انه من الممكن ان الوضع متعب بالنسبه لك بيت

واطفال ومسؤؤليه ومدارس ............. ولكن والله ماتسوى انك تطلعى من بيتك وتتركى اطفالك علشان موضوع

الشغاله

بعض الرجال اختى ماتجى بلأ مر ابغى خلاص ابغى ............لا انتى اختارى الوقت المناسب وكلميه بالموضوع

بهدوءوقولى له خلينا نجرب واذا ماعجبك الوضع نرجعها ............ يعنى حننى قلبه عليك ..........واذا وافق ان شاء

الله شيليه عن الارض شيل ههههههههه خليه يحس بالفرق ............وتلاا اغلب الرجال لازم يعترض فى البدايه لكن

بعدين لما يحس ان زوجته تفرغت له يغير رايه

يعنى هالله هالله بالاسلوب الزين واقنعيه بهدوء وشيلى فكرة تلوى يده علشان يجيبها بالعكس راح يعند اكثر واكثر

اهلا اختي ..

ما شاء الله عليك حرمه سنعه ..

ما اعتمدتي على الشغاله من اتزوجتي حتى صار عندك 4الله يخليهم لك ..

زوجك تعود على عدم وجود غريب معكم في البيت علشان كذا الموضوع يبغاله وقت

حتى يقتنع بوجودها الحين ثلاثة ارباع البيوت فيها شغالات ..

وانا مع فكرة أميرة الايام يجيبي لك وحده سعوديه تساعدك في النهار تنظف لك وتطبخ لك وتطلع

قبل رجعت زوجك من الدوام وان شاء الله يحس زوجك بالفرق وشوي شوي يقتنع بفكرة وجود

الشغاله الدائمه معكم بالبيت ..

لكن والله الموضوع ما يسوى تشحططين عيالك وتروحين لبيت اهلك خصوصا وهم عندهم

مدارس ..


الله يعينك ويريح بالك ..


..