وصلتني بالواتس😂😂😂رهيبه

أنا زوجة ذاك الرجال اللي تصير حرمته معه بالسوق ويأكل ولده بطاطس وحرمته جنبه وهو يقز بالبنات المتسوقات وكل مره يستغفلني يحسب إني ما أشوف ولا أراقب قزقزته ومعطيته جوه لان براسي شر بس أضبط الطبخه طبعا كل مانروح السوق مايمشي معي يا يجلس بكوفي ويقاله ينتظرني عشان يأخذ راحته بالقزقزه و الترقيم يا يجلس بكراسي المطاعم وأقط عليه ولدي أقلها اللي بيرقمها تدري إنه معرس ومعيل إلا إن كان قلها هذا أخوي الصغير وأنا أصير أمه عاد هذا شي ثاني 😤المهم مره كنت جايه من بعيد و أشوفه قام من طاولته ويتلفت و راح طاوله البنات اللي قباله وشكله حط لهم رقمه على الطاوله ويتلفت ورجع مكانه قلت يابنت حرام يمكن ماخذ منهم منديل إحسني النيه وأجي عنده وبحركه بهلوانيه أقز طاوله البنات إلا والله ذا كرته الكلب كرت العمل بعد مرقم بإسمه الصدقي ودوامه 😭 والبنات ما أخذو الكرت مخلينه ع الطاوله وهم عليها ماقامو وأنا للحين واقفه وجسمي صار حار وهو أرتبك وجاء يبي يشيل الأكياس عني قلت بصوت عالي لا تشيل الاكياس شيل كرتك اللى على طاولة البنات اللى كبر بناتك 😤 وأنا أكذب ماعندنا إلا ولد أبو سنتين 😅هو طارت عيونه والبنات تسدحو ضحك على الموقف ومن الربكه البنت مدت له كرته وهو أخذه وحطه بمخباته بعد 😅 وأمشي مليون للبوابه أبي أوقف لموزين وهو يجر عربية الولد وراي و أنا أركض بأكياسي مابي يضيع شي منها وأطلع والقى دستة لموزينات ولا بحياتي ركبت لموزين قلت جمدي قلبك وأشر لواحد فيهم وزوجي للحين وراي بالعربيه وشنطة الولد وينقز علي وين بتروحين قلت أصصصصص لا أفضحك قدام الخلق الحين طس إنت وولدك خل ترقيم البنات يالعفن ينفعك 😥 وهو يترجى ويجر يدي صاحيه تركبين مع لموزين يخطفك قلت أبرك منك يالخاين رح بس أبوي وأخواني بيتفاهمون معاك وأشرع اللموزين بركب ويجرني مع يدي يوديني السياره تكفين نتفاهم مو بالشارع قلت إنت مرقم بمكان عام خلاص نتهاوش بمكان عام ركبت السياره وأنا الجلج و هو ماصدق إني ركبت قلت يالله على بيت أهلي أخواني يدبرونك وهو يترجى تكفين من بينا نحلها قلت مابي حلول أخواني وإلا أخوانك إختار قال أخواني قلت يالله أجل على بيت أهلك 😤 رحنا بيت أهله وناديت أبوه وقلت ياخال ترضاها علي يرقم بنات بالسوق وأنا معه وولدي جنبه وتجيه ذيك التفله من أبوه 😅😅 أشوى إني مسكت الضحكه عاد تفلت شايب راعي مبادىء ودين ويسفل فيه ماخلى كلمه ماقالها وقالي لاتروحين معه لمن بكرا يجيب لك رضاوه
والله وأروح ألبس قميص من خواته ونفلها و نطلب عشاء أنا وياهم ونسهر ونسمر ونسولف ونضحك ونعلق ع التفله وميتن ضحك ع شكله عاد هو راح شفتنا لحاله وخواته يرسلون له اشترى لها كذا وكذا قلت لخته ترة ذوقه مخيس هو روحي تكفين معه بكرا السوق أبي طقم أستفيد منه باللبس وننام ويجي من بكرا ويمر أخته وتصور لي من الطقوم وترسلي لمن أختارت واحد راهي ومبلغ يقص جيبه ويجي هو وأخته المغرب ولا الشايب جالس بالصاله ويطيح ع راس أبوه يستسمحه وأنا جالسه جنب أبوه ولا يقول أبوه له طلقها منت كفو لهالاجوديه 😲😲😲 لا لا ياخال ماتفقنا على كذا 😭😭 وزوجي طارت عيونه بشعره من الروعه هو يناظرني وأنا أناظره😟 والشايب يرددطلقها ابزوجها أخوك نايف كفو ورجال ينشدبها الظهر وأنت خلك بالأسواق ماقضت مراهقتك 😠 و أنا بخاطري أقول أي نايف ياخال نايف بااول جامعه😅😅😅 حتى شنبه ماخط وزوجي تبلعم ويحب رجل أبوه ويطلبه السماح قال شف حرمتك كان رضت خذها كانت ماتبي خلاص تطلق الحين 😕 وزجي يناظر فيني يا أم فلان أنا أسف السموحه والله ما أطب السوق أبد تروحين مع خواتي وأنا بمسك الولد بالبيت وابشري بعزك والي يرضيك قلت عشانك ياخال سماحته ولا هو مايستاهل قال خالي لا لا كان مالك خاطر لا تسامحينه 😕 وش هالبلشه بالشايب بيقصف ع برستيجي الحين قلت المسامح كريم والله غفور رحيم والله بستر عليه 😅 ختمتها بشي ديني عشان كني ابي الاجر 😆وأنا ميته أبي أرجع الشقه تذكرت ملابسي ناسيتها بالغساله ماطلعتهم من أمس قبل السوق 😅 واخنزو شكلهم رجعنا بيتنا وجاب كروت الدوام وحرقهم قدامي دليل التوبه يقاله ولبست الطقم وقلت له أرجع غسل الملابس كله منك وغسلهم من جديد وتعدل الرجل كل ماقال لي كلمه قلت وين زوجي نايف 😅😅😅
رهيب ابوه 👍 يبرد القلب