وصلت بيني وبينه للشيطان الرجيم

السلام عليكم
صباح الخير
وصلت بيني وبين زوجي الحد الاقصئ
انا الي مايطلعني زوجي وبالمقابل يطلع ام عيالوه وعيالها ويسفرها
امس قال لي تعالي دلكيني هومتعود اني ادلكه
وقلت مابدلكك خلي الي تسفرها وتطلعها تجي تدلكك
قال ابيك ترجعين زي اول قلت ماتت هالحين انسانه جديده قال اجل الباب ياسع جمل وقبلك 2 يقصد حرمتين
قلت ههههههههههه يممممه خوووفتني حيل
قال انتي وش تبين بالظبط
قلت ابي تطلعني وتسافر بي زيي زيها
قال ابي اسافر واطلع معاها كل اسبوع وانتي مالتس شئ عنده
قلت الله لايحللك ولايبيحك كانك ظالمني وساجني
قال رووووووحي بصقر
وانا آخذ اغراضي واغراض ولدي وعباتي وقال علئ وين قلت علئ بيت اهلي قال يالله الي مايبيني ماابيه ولبست عباتي وهو راح وانتظره بالصاله يجي اثاريه راح ينسدح بالسرير وبعد ساعه طلع من البيت ولا وداني ﻷهلي ورجع تقريبآ الساعه عشر علئ غير عادته بس بيشوف انا بالبيت او رحت المهم دخل غرفه النوم واستجن مالقاني موجوده واسمع ضرب البيبان اثاريه يدورني بالصاله وبالمجلس وآخر شئ فتح علينا غرفه عيالي وحصلني موجوده واطمئن وسكر الباب وراح ونام بغرفه نومنا وانا نمت بغرفه عيالي وقبل شوي راح للدوام ماكلمته ولا كلمني
قسم ماانسئ يوم كسر قلبي قبل اسبوعيين طلعت الاربعين وتكشخت وفرحانه حيل وجاني واليوم يومي طبعا المهم تغدئ عندي وقال انا مشغول ومابجيك الئ الليل توقعت انها كذبه منه قلت اي شغل هذا وحنا خميس وجونا امطار وخير قال لي وبكل وقاحه انا بطلع كشته مع عيالي وامهم وانتي روحي ﻷهلك شفتن يابنات الظلم
كرهت نفسي وكرهت كشختي متكشخه علئ وش علئ هالحظ الردي الي حدني علئ هالاشكال وعلئ هالضره الي غيرتوه علي
آه وش اسوي جلطني حسبي الله ونعم الوكيل في الي لعب بمخه