وصلت بيني وبينه للطلاق .. أبغى حل قبل لا يطلع الفجر//اكتفى من الردود

مرحبا بنات

باختصار زوجي إنسان قروي وجاف جدا جدا جدا في التعامل معي
أحبه ويحبني لكن ما يحسسني بهذا الحب
إيجابياته إنه كريم وما يبخل علينا صح انه مو غني
لكن إلي عنده يصرفه علينا
وطيب بعض الأحيان. يقول انه يحبني

سلبياته
عصبي وعنيد وعناده مال مراهقة
يعني أقوله لو سمحت عطني علبة المحارم جمبك
وهي جمبة جمبه يعاندني كأنه يجاكرني
وجاف جاف جاف في تعامله وما يعرف يغازلني ولا يسمعني كلام حلو
حتى أثناء العلاقة الخاص ما أحس يعاطفة وحنان وحب
ولا يعرف يجيب هدايا ويفاجئني ومايجيب هدايا بدون مناسبة
مرة في عمره عطاني بوكيه ورد بالخطوبة
بس بعد ما شفت غيرها
ما أسمع منه كلام لين وحلو ما يشبع مسمعي ولا قلبي

وأنا للأمانة عصبية جدا وطاري الطلاق دائما على لساني
كل شوي وقلت له مو عاجبتك طلقني
هو كثير يسب ويقول هبلة ومريضة نفسيا أقوله إذا مريضة نفسيا وش مجلسك معي؟؟

واليوم حصلت مشكلة عظيمة بيني وبينه
يعاند على أتفه شيء مع إني ما أجيه بأسلوب أوامر
أقوله حبيبي جيب معاك كذا
أو تقدر تجيب معاك كذا؟؟ من أكون لينة معه يعاند زود
وقلت له ودني بيت أهلي وداني وتركت عيالي بالسيارة معه
ونزلت وقلت له عيالك ما أبيهم خذهم
الولد عمره شهرين والبنت سنة ونص
قام أخذ العيال معه البيت وماعرف لهم
اتصل وقال تعالي اجلسي معهم وبكرة الصبح أوديكم بيت أهلك
ورجعت وقال خلاص قفلت معي
إنتي كله تقولين طلاق طلاق طلاق ألحين أنا خلاص عفتك
وما أبغاك والفجر باخذكم بيت أهلك وبرسل ورقتك

أنا ما أدري أروح بيت أهلي أو لاء
مع العلم خواتي واخواني الكل متزوج
والبيت موحش مافيه غير أمي وساكن معها أخي
ما نشوف أخي كثير وأنا عندي شوية فلوس تكفيني
تدخل علي كل شهر
وهو قال لي بخلي العيال معك وبصرف عليهم وانتي انقلعي خلاص عفتك

ألم ثيابي وأطفالي وأروح معه بيت أهلي؟
انتوا تشوفون أطلق وأشوف حياتي؟
مع العلم أنا مرة مرة جميلة لكن محد هالأيام يبغى مطلقة مع عيال
قلبي معورني معورني أترك عيالي
أبغى عيالي في حظني أحبهم أحبهم
ما أبغى يتربون عند مرت أبو

المشاكل بيني وبينه وصلت لمرحلة كره وحقد
أحسه حاقد علي وأعامله بنفس الأسلوب
ومو راضي يروح ﻷي مصلح اجتماعي أو شيخ يحكم بيننا
ولا يعترف بالشيوخ أصلا ويقول مو كل شيخ متدين
وأنا مشكلتي أعرف أحلها مو بحاجة شيخ
يقول انتي عصبية ولسانك طويل وطاري الطلاق على لسانك دايم
خلاص خلينا نفترق أحسن لي ولك

انتوا وش تقولون؟
أنا مو حاسة بالحنان وبالإشباع العاطفي معه
حتى لما أتكلم عن ذكريات الطفولة يسفه لي ولا يعطيني وجه