وصلت حدي من اختي

بنات والله تعبت من اختي الي اصغر مني انا ساكنه عندهم عشان زوجي يداوم بمنطقه ثانيه والمنطقه الي هو فيها ماهي حقت عيشه
ف ساكنه عند اهلي قروشوني كل شيء على راسي اي حاجه واي مشكلة على راسي اختي بذات طفشتني ياناس تاخذ مفتاح سيارتي وتداوم عليها وهي معها سياره!!! وبدون اذني كذا مره وقلت لها معك سياره داومي عليها ولا اهتمت بكلامي وخربت سيارتها وصارت تاخذ سيارتي مع اني قلت لها سيارتك يبي لها تصليح ولا سوتها لين قبل يومين عطيتها سيارتي القديمه تداوم عليها
اتفاجئ فيها اليوم بنشرت سيارتها وداقه علي اروح لها الدوام
والله مليت منها اختي انسانه مستهتره ولا تفكر ولا تهتم سيارتها بالورشه وذي الثانيه بنشرت
وتهاوشت معها ولا فاد الحين تقولي انتي كبرتي الموضوع ذا كله عشان بنشرت سيارتك؟
صدق انتي مريضه
بدل ماتشكرني تذم فييني
وتقولي انتي غلطانه
حتى راتبها مستوعبين ١٠ الف تخلصه في اقل من اسبوع هذا وهي مو متزوجه ولا عندها عيال وتاخذ بطاقتي ويلا تصرف منها لين تخلصها
ولا سالتها وين راحت فلوسك تقولي راحت
وخلتني اطلع لها جوال ب ٨ الف تقسيط مع ان جوالها مافيه شيء!!!
عجزززت افهمها وعجزت كيف اتصرف معهاا 🥲