وصلت للسحر!!!! حسبي الله ونعم الوكيل

بسم الله الرحمن الرحيم

شخباركم بنات حواء اسمحو لي راح ازعجكم بقصتي وانا قبل حطيتها في موضوع

عنوانه وصلت لحد الجنون كنت كاتبته باسم عيناويه للنخاع لكني مالقيت الرابط لاني ناويه

اكمل لكم الاحداث راح اختصر لكم السالفه من اولها

انا اهل زوجي مبهذليني من دخلت بيتهم وخصوصاابو زوجي وبناته وكل شوي يسوون لي مشاكل ليش ماتسوين كذا وليش ماتسوين كذا وانا كنت على نياتي اسويلهم الي يبونه

وكل مره يطلعون لي بشي مره اشتغلي ويانا ولما ساعدتهم قالو لي ساعدينافي كل شغل البيت

وساعدتهم وصرت كل يوم ادخل المطبخ واكنس بيتهم وماعجبهم قالو ليش ماتغسلين ملابسنا

وصرت اغسلها وعلى فكره عددهم كلهم 14 البنات 6والاولاد8 ولا فيه فايده بعد سوولي مشاكل

واخر شي قالو عني اني مغروره واني مبهذلتهم ومااسولف وياهم مع اني كل شوي اطلع عندهم

واسولف معهم وانكت واناعلى نياتي مادري وش في قلوبهم (البنات وابوهم)

اخر شي زوجي تعب وقررنا نطلع من البت وهذا الي قلتوه لي لما حطيت موضوعي الاول

ولمادرى الابو عصب على زوجي وقاله انت تمشي ورى زوجتك ومن هالكلام زوجي تضايق وجابني عند اهلي لين نلاقي بيت

وخلال هالفتره الي عشتها عندهم كنت الاحظ انهم يتكلمون عن السحر واجدومن المواقف

كنت مره قاعده ويا ابو زوجي نسولف وقعد يقولي بنخلي زوجج يتزوج عليج قلت له عادي

وانابروح عند اهلي قال بنجيبج قلت له مابرجع(اندمجت في السالفه) قال بنرجعج بالسحر

قلت له الي مايخاف ربه بس الي يستخدم السحر وبعدها صرت متوقعه منهم هالشي بس ماتاكدت

وقبل كم يوم سالت زوجي اذاكان ابوه يستخدم السحر قال ايه من قبل حاولو يسحر واحد من عياله

كان بينهم مشكله بس مانفع السحر وطبعا بعدها انا قلت الحين هم حاقدين علي اخاف يسوونهافيني

بس انا راح اتوكل على الله وادعو لي الله يحميني منهم

المصيبه ان زوجي كان هو وواحد من اخوانه يصرفون على البيت بس هذا اخوه تفنش من الشغل

ومعناته ان مافي الازوجي الي بيصرف عليهم وهو مايقدر انه يفتح بيتين وطبعا مراعاه لزوجي قررنا

نرجع عندهم بس ابوه مايبنا نرجع الااذا زوجي راح تاسف منه وقاله زوجتي راح تكون تحت امركم

تخيلو:09: طرار ويتشرط يبي يذلني باي طريقه مادري ليش

اسمحولي ازعجتكم بس والله مادري وش اسوي زوجي الحين مخليني عند اهلي ومادري لين متى

وش الحل مع هالابو الظالم:(