ما رحمت الا عيالكم انا لما قاعدة اقرأ مشكلتك تضايقت وتوترت كيف عيالكم الله يكون في عونهم ويارب يرحمهم من عنادكم أرضى ربك تسعدي بحياتك هذي حكمتي واللي اقوله دايما لبناتي أهم شي المفروض يكون عندك رضا ربك

لازم تغيرون تصرفاتكم انتي وياه مايصير كذا حرب نفسيه مو عيشه الله يهديكم ويألف بين قلوبكم ويدلكم على الطريق الصحيح وتنازلوا شوي عشان عيالكم اقل شي

ماعرف شنو اللي بينكم سمعنا بطرف واحد


لكن يوم تقولين باعث بالواتس اب يعطيك العافيه
مافيها شي
انتي متخيله انه يدخل ع اسمك ويكتب مسج متاكده مو قصده نفس تفكيرك
لكن خاطره تردين عليه بكلمه حلوه


هذا كله مو نافعك اكتبي له رسالة اعتذار وتقربي من زوجك وافتحي صفحه جديده كل موضوعكم شيطان بينكم


شنو ذنب الاطفال ؟؟؟ عائله مفككه ببيت واحد


لو منك ارجع اتقرب منه ترى الرجال كنه بيبي يجي بالدل

عيالك اولى من الناس
قاعدين تنتقمون من بعض والضحيه الاولاد
لايهمك الناس ولا الصور
اهتمي ببيئه سليمه لاولادك احترميه عشان اولادك وفهميه هالشيء ان تعاملكم مع بعض عشان نفسية الاولاد
بكره لاصارو عيالك مرضى نفسيين اهم من الصور والناس الي هامينك
انتبهي لبيتك واولادك وخلهم اوليات حياتك وعيشي نفسك وخل منك الانتقام لانه يتعبك قبل يتعبه

لا إله إلا الله وحده لا شريك له الملك وله الحمد وهو على كل شيء قدير


اللهم صل وسلم وبارك على سيدنا محمد وعلى آله وصحبه الطيبيين الطاهرين

سبحانك اللهم بحمدك نشهد أن لا إله إلا أنت نستغفرك ونتوب اليك