كوبونات الراقية تسجيل الدخول

مملكة المشاعر
مملكة المشاعر •
أنا قريت موضوع ام عمر وموضوع رائع ومتعوب علية وعلى قولت(تلفون خربان )و(أتعبني غروري)ماله داعي نخليهم يتمنون انهم متزوجين اجنبيات علشان يدلعون كل هالدلع والوناسه
وحن فية واحد عندنا نتزوج وحدة من جنسية عربيه لأنه معاق كل الرجال عندنا ماعندهم سالفة الاهو الكل يقول هنياله عزالله الي بتسوي له أشياء مايحلم فيه والي يقول ماعندها الى في راحتة لو يبي مايبي ماقالت يوووه عيب والايووووة فشيلة عارفة انه زوجها ومابينهمى حياء هي وياه الوضع فري
من ذاك اليوم يابنات وانا معيشتةعيشة الله يديمه تذكرت كلام هم عن المعاق ألحين زوجي يقول ماهو شرط مايسوي كذا الا بنات برى حتى بناتنا فيهم كذا وكذا بعدين مو الجنس كل شي فية أهتمامك بأكلة بنومه بطلعته كل شي يخصة نصييييييييييييييييييييييييييييييييييييييييييييييييييييييييييحة للحريم كلهم
لا تخلينه يبحث عن سبب لزواج عليك سويلة كل سشي خلية مايقدر يفكر في ازواج اساساى لأنه مو ناقص علية شي والله اذا راح عنك لزوجة ثانية ماعاد تدرين شنو تسوين علشان يرجع بس خلاص تكون الفاس وقعت بالراس

أسفة على الأطالة

ولكم اطيب الأمنياتى بحياة سعيدة تحت ظل الله ثم ظل رجالنا
غرشوب رعبوب
غرشوب رعبوب •
العامريه العامريه :
هلا بك.. التجديد جميل في حدود العقل والمعقول.. لكن ان يكون الهدف لاي امرأه هو ارضاء الزوج بأي طريقه اياً كانت..محرمه مستهجنه.. انا في رأيي انها هي الخاسره الوحيده.. نرى الآن توجه للنساء استطيع ان اقول انه هوس في ارضاء الرجل جنسياً فقط لاغير.. واهمال مريع في الجوانب الايمانيه والاجتماعيه الاخرى.. حتى يصبح الهم الوحيد لكلاهما الجنس ولاشيء غيره.. الرجل يطلب التجديد..والمرأه تبحث عن الجديد لكي لايملها.. وماتعلم ان تعلقه ومحبته لها لن تكون فقط في توفير شهوته فقط.. لا مع الوقت سيملها وستستغرب كثرة المشاكل والخلافات رغم كل جهودها.. وماعلمت ان الله وكلها الى نفسها.. انا هنا لاالغي اهمية الجنس في الحياة الزوجيه.. ولكنه فقط احد اركانها لاغير.. عماد الحياة وقوامها هو الدين والخوف من الله واداء الحقوق كما يرضى سبحانه. على فكره انا لم اطلع على موضوع ام عمر وموقنه انها مجتهده ومحبه للخير..وتريد نفع اخواتها لاشك عندي.
هلا بك.. التجديد جميل في حدود العقل والمعقول.. لكن ان يكون الهدف لاي امرأه هو ارضاء الزوج بأي...
خواتي انا وحده من اللي وصلهم موضوع الاخت ام عمر وبصراحه كنت اعرف بعض المعلومات اللي ذكرتها او بالاصح الحركات والطرق بس والله لما قريت موضوعها زادني شوق وحماس اني انفذ كل نصايحها
خواتي الاخت ام عمر جزاها الله خير ما ركزت على الناحية الجنسيه فقط لو تعودون لموضوعها هي مزجت الجانب الديني مع الخصوصية الزوجيه والعلاقة الزوجيه مع المجتمع وغيره وغيره يعني ماركزت بس على هالناحيه واذا الاخت صاحبة الموضوع تعود لموضوع ام عمر تجدها تستشهد في كل نقطه بآيه او حديث او حدث صار بحياة الرسول عليه الصلاة والسلام
خواتي محد منا يقدر يغفل هالجانب وما له من تأثير كبير على حياتنا كزوجات وعلى نفسية الازواج ومن تقول غير كذا هي تغالط نفسها للاسف
الرسول عليه الصلاة والسلام نصح احد الصحابه انه يتزوج ببكر تلاعبه ويلاعبها وما معنى هالكلام هل معناه انه دور الزوجه يتوقف بس على الرعايه والطبخ والنفخ والتنظيف وغيره وتأدية دورها كزوجه يفرغ فيها شهوته وخلاص لا خواتي عمره ما كان الزواج بس كذا الاخت ام عمر نصحة خواتها انهن كل وحده تكون الانيس والجليس والصاحب والمستشار والمحاور لزوجها مب بس زوجه وفقط ومن الامور اللي نصحتهن فيها انها تلاعب زوجها وتأنسه وتثيره وتشبع شهوته
يعني بالله عليكم هل تستوي الحرمه اللي لا انفعال لا حوار لا كلام ولا دلع ولا غنج ولا لقاء مثير وحلو بالزوجه اللي تفعل كل هذا ؟؟؟ اكيد لا
فليش التعجب من كلام هو الواقع وهو المفروض
عندي كثير من الاخوات والصديقات اللي يعانن في حياتهن الزوجيه وقسما بالله لما اقعد معاهن ويشكن لي عن جفا ازواجهن واسالهن عن معاملتهن لازواجهن وطريقة تعاطيهن معاهم اسمع واستغرب ان في زوجات لليوم مب قادرات يفهمن ازواجهن ويسون اللي يريحهم ويسعدهم ومب عارفات الاسلوب الامثل للتعامل مع الزوج ولا تفهمون كلامي غلط انا مب قصدي بس الناحية الجنسية ولكني اقصد جميع النواحي ما تلقون عندها المهاره اللي تقدر فيها تحتوي زوجها ولا الصبر اللي تقدر من خلاله انها تحافظ عليه وعلى بيتها يعني اقل شي ما عندها حتى حسن استقبال لزوجها ماتعرف كيف تستقبله وتبتسم في وجهه او تحاوره وتجالسه ولهن سنين وهن عايشات مع نفس الزوج ولين اللحين ماعندهن اسلوب مع ازواجهن
بالنسبه لي استفدت استفاده عظيمه من كلام وموضوع الاخت ام عمر جزاها الله خير على الاقل مجرد قرائتي لموضوعها ذكرني كلامها واستشهاداها بانه كل شي اسويه حق زوجي لوجه الله تعالى وابغي فيه رضا رب العباد وهو من حسن التبعل للزوج واللي حث عليه دينا الاسلامي
ليش اخلي زوجي يدور على غيري وانا عندي كل شي ومب ناقصني اي شي وانا اكثر وحده قادره على فهمه واسعاده واولى من غيري لاني زوجته وحبيبته وام عياله
ولتسمح لي صاحبه الموضوع الاخت ( انا وعيالي ) بانها عندما استشهدت في هذه الفقره
لي جارة زوجها مصاب بحادث سياره منذ اثنين وعشرين عاما والله لا يتحرك منه الا لسانه مصاب بشلل كامل وهي في خدمته ولم تنجب منه الا بنت وولد بعدها اصيب بالحادث تتوقعون ان حياتهم متوفقه
عند هذا الحد ؟
تتوقعون انه لا يحبها انا اجزم انه يحبها اكثر من لو كان شخص معافى

اعتقد وانتي معاي انه لو كان العكس خلينا نقول انه كانت الزوجه اللي مسويه الحادث مب الزوج تعتقدين انه بيحتفظ لها وبيكفيه منها مجرد الحنان والحب ؟؟؟؟؟ يعني بيكون موقفه مثل موقفها منه ؟؟؟ اكيد لا لانه اول شي راح يفكر فيه هو انه رجال وما يقدر يعيش بدون حرمه يمكن يعطف عليها يمكن يجيب حد يرعاها بس ماراح يغنيه وجودها فقط معاه عن حاجاته كرجل ورغباته الفطريه ويمكن هو يحب جارتك صح بس اسالي نفسك هالسؤال ليش يحبها ؟؟؟؟؟؟؟ انتي بنفسك تقولين انه مشلول ولا يتحرك منه غير السانه طيب هو اللحين بحاجه لها كانثى والا بحاجه لرعايتها ومشاعرها وغيار وتبديل واكل وشرب ؟؟؟؟؟؟ وبسألك سؤال ثاني شهوة الحرمه مثل شهوة الرجال ؟؟؟ يعني في حريم يتوفى عنهن ازواجهن يسخرن عمارهن ووقتهن لتربية عيالهن ولا يرغبن بالزواج مره ثانيه وهذا اغلب الارامل بس هل يفعل الازواج او المترملين من الرجال نفس النساء اكيد لا لانه طبيعة الرجل الله خلقه شهوته اعلى من شهوت الحرمه وحاجته الفطريه للزوجه اكثر من حاجة الزوجه له يعني الزوجه تكفيها المشاعر والحنان والحب بجانب العلاقه الزوجيه والدليل على كذا ان الزوجه بحاجه للمعامله بحب اكثر من العلاقه نفسها ان الكثير من النساء لا يصلن للرعشه الجنسيه ومع ذلك راضيات ومقتنعات باللي عندهن او انها ما تصل في كل مره بينما الرجل عشان يرتاح لازم في كل مره يصل لهزت الجماع والا يتعب ويتضايق !!!


مادري يمكن توافقوني الراي على كلامي ويمكن تعترضون بس هذا اللي حبيت اقوله
أنا وعيالي
أنا وعيالي •
اخواتي الظاهر مافهمتوا وجهة نظري انا ماني ضد التجديد ولا ضد اشباع الزوج ورغباته والأخت ام عمر جزاها الله خير ما اقول فيها شي ومتيقنه انها لم تقصد الا الفائدة
اقول اننا اصبح لدينا هو س بهذا الموضوع وبعض الطرق في موضوع ام عمر اتحدى لو ان احداكن جربتها مثلا اترضى ان احداكن ان تربط الى سريرها ؟؟؟؟؟؟؟؟؟؟؟؟
اعتقد هناك مايناسبنا وهنا ك مانحن في غنى عنه
والأجنبيات لم يأسرن قلوب ازواجهن بهذه الطريقه لأن الجنس ليس كل الحية الزوجية
واذا كان الرجل مرتاح طوال اليوم في بيته في عملة فلن نحتاج الى كل يوم حاجة جديده لنقلب دماغه
واذا كان لدية مشاكل او غير مرتاح اعتقد لو كانت التي امامة اية في الجمال والأغراء
بنت الامارات المتحده
بنت الامارات المتحده •
الجنس له دور غير مستهان به في نجاح الحياة الزوجيه

وهالشيء نسمعه من كل العلماء وشيوخ الدين

بس كل وحده تفهم طبع زوجها وشخصيته

قبل التطبيق

يعني لا تستغربون من بعض الطرق

وانا اشوف طريقة الربط عادية جدااا وانها طريقه معروف انها تثير جدااا لانه الانسان لما تكون
حاسه من حواسه معطله يتحسس ويتاثر اكثر
يعني مثل حاسة اللمس وحاسة النظر

وايضا عند ربط العينين لانه معروف الاعمى حساس جداا للمس والهمس
بنت الامارات المتحده
بنت الامارات المتحده •
وانا اوافق كلام رعبوب وغرشوب

بصراحه يعجبني كلامج وطريقة توصيلج للمعلومه بسهوله