وصيفه أو رْبعيّه

السلام عليكم ورحمة الله وبركاته

لازلت أتذكر يوم تزوجت أختي الكبيره وأتذكر
إن أمي جابتلها ست كبيره لازمتها ٣ أيام
وكانت هي الآمره والناهيه
محد يدخل على أختي إلا بإذنها 🥴
حتى الأكل أختي كان يجيها أكلها لين عندها
خلاااص مافيه لا إستقبال ولا شييييي🤷‍♀️

وكانت هذي الست تسولف مع أختي وتساعدها
في بعض الشغلات .

وإذا أختي طلعت لأي سبب هي تكون معها.


كنا نسميها الربعيه ^تسكين الراء وتشديد الياء^
وفيه ناس يسمونها الحجاره لأن أعتقد بالفعل تحجر
للعروس😅

المهم من قوة الهيبه والرسميات الي سوتها هذي الست حسيت أختي صارت غريبه عني🥹لدرجة يوم سمحتلي أدخل على أختي حسيت أختي متغيره مع إنها هي هي.. لكن لأني طولت ماشفتها شفتها متغيره.

الحين شفت فيه بنات مسويات مشروع وصيفه
تجي للعروسه يوم الزواج وتقدم خدمات كثيره لها..
من تبخير الفستان ليييين تركب السياره.
وتوفر الطلبات الناقصه.. حتى الإبره والخيط
تجيبها للضروره

الأسعار تبدا من ٢٠٠ في الساعه والي أعتبره غالي
لكن البنات يآخذونها لأنها ليله وحده وما يستخسرون المبلغ.

أنا ماحبيت فكرة الوصيفه هذي
لأسباب كثيره مقدر أكتب أهمها هنا.


تأيدون فكرتها أو لا؟ وليش؟