وضعنا قبل ١٠ سنوات والحين

الحياه مًو طبيعيه
المشاكل
التفتح اللي جالس يصير
استصغار الحرام
المجاهره بالمعاصي صارت عادي زي السلام عليكم
صارت اللي تكشف وتطلع مع ولد وتكلم
يسمونها قادحه وعايشه ولا همها احد
اقسم بالله جالسه اتامل وضعنا بالذات منطقه نجد
قبل ١٠ سنين والحين كنا اذا شفنا
عبايه الكتف نستغرب نقول كيف اهلهم
سامحين لهم يطلعو كذا
الحين
عبايه شبه فستان
وطايحين البنات بموضه جديده الحجابتركو كل الغطاء
خاصه بنات الثانوي والجامعات
بتقولون الحجاب مختلف و و
اي بنت تتحجب مستحيل تطلع بذون مكياج
وهالشي معروف ايش عقوبته الزينه
طيب بتقولون مالك دخل يتحجبون يصيعون كيفهم
عندي خوات عندي بنات
يختلطون مع هالبنات بالمددارس والكليات
ايش يضمن لي انهم مايتاثرون منهم ايش يضمن لي
انهم مايجرونههم لهطريق
بقول بكل صراحه لاعاد تربون بناتكم
تدرون ليش لان بكل بساطه بتتاثر
لاتقولون بنتي واثقه فيها
كنا نقول عن ناس ماتوقعنا يغلطون
لكن الشيطان شاطر وصديقات السوء اذا لفو
ع بنتك بتتاثر غصب
مثلا انا منقبه
بجلس مع محجبه بتقول الحجاب عادي
وانتي معقده
ماتو اللي يلبسو نقاب
ياقدمك شوفي كل الناس متحجبين
وهالشي صار لي شخصيا ايام الجامعه
اقسم بالله لو اني ع نيتي
كان ضايعه من زمان بس لاني ذكيه
وعارفه من مواقف كثيره صارت عرفت اني بتأثر
لو أتم معها وسحبت عليها
لكن اشوف بنات اختي كبار بالكليه
وبكل وقاحه يقلدون صديقاتهم
لو يطيحو بالنار بيسون زيهم
والله مادري ايش بيصير وضعنا بعذ ١٠ سنين
بتقولون عادي
لا والله من اللي جالسه اشوفه مًو عادي
بنت بالثانوي تكلم وتطلع مع ولد بكل وقاحه
وتجي تتكلم قدام صديقتها اني شفت حبيبي
وياحلو عطره وياحلو ضمته
ايش بالله شعورك
انتيً تضمنين بنتك
لكن ماتضمني بنات الناس ايش يسون بينتك
ايش ياثرو عليها
اقسم بالله اعرف امهات معطين حريه
لبنات مراهقات بالثانوي والكليه
تروح وتجي مولات لوحدها
ومع سواق من كوفي لمطعم
ماتدري لا مع مين رايحه ولا من جايه
الا كلمه بطلع مع صديقتي
واعرف بنات قمه بالأدب
صادقو بنت قليلات أذب وحقين خراب
والحين اهلهم مًو قادرين عليهم
لدرجه اهلهم مصدومين يقولون فلانه كانت
هاديه مايطلع حسها وتخاف صارت قويه ومتمره ليش
كله من علانه اللي قوتها
وانا اعرف نظام البنات لاني عشته
عادي جدا تقول صديقتها لبنتك اكذبي ع اهلك
او انتي خوافه مالك شخصيه تخافي من اهلك
عشان بس ماحققتي مرادها وصرتي زيها
اتذكر قبل ١٠ سنين جينا للملاهي بجده
وفيه بنات متلثمات ومكياج كنا نحسه كبيره من الكبائر
وناس يقولو مستحيل ندخل هالاماكان
صار الشي هذا الحين ولا شيً مقارنه بوقتنا
ع الاقل زمان حتى لو صار شي يسونه بالخفاء
لان الهيئه زمان موجوده
وزمان يخافون من كلام الناس
الحين البنايات مايطقون خبر لكلام الناس
والهيئة مو فيه فاخذين راحتهم
الله يستر من السنين القادمه