وضعها حيرني

السلام عليكم ورحمه الله وبركاته
كيفكم ياحلوين

كل عام وانتم بخير
ومبروك عليكم رمضان مقدما والله يبلغنا رمضان ويجعلنا من صوامه وقوامه يارب العالمين
ويعوده علينا وعليكم وعلى كل مسلم يارب بخير وصحه وسلامه


بنات جتني شغاله قبل تقريبا 4ايام
احنا طالبينها مشتغله
وجتنا واول مادشت بيتنا
قالت السلام عليكم وسلمت وتعرف بنفسها تقول اسمي نور ... وانا اندونسيه المهم اعطتنا برنت كامل عنها
وطلعت صور عيالها تقول 2 ببيبي كلوه ولد واحد عمر 5 سنه وثاني عمر 3 سنه
الي هنا كلش اوكي وتقول انها جوعانه وتبغا تنام

المهم صلحنا لها عشاء وجلست تاكل

جينا سالنها وين انتي مشتغله قبل

تقول انا مو شغل وتقول انا مااشتغلت ابد ولااعرف شغل
وصارت تهز براسها ولا سالنها عن شي هزت كتوفها وراسها

المهم انا مو مستوعبه يؤؤؤؤ معقوله تتكلم عربي وتفهم علينا وتصير مو مشتغله
تقول ان المكتب علمها العربي


وقامت من بكرا قالت لي بغسل الحمام وبكنس المطبخ وبصفط الهدوم
وبقطع بصل المهم كل ذا وانا كذا:09:


مو فاهمه يالله معقوله المكتب معلمها العربي لهاالدرجه
تتكلم مثلنا وتفهم علينا
حتي اول ماقالت لنا انا مو مشتغله خلاص على انها مو مشتغله
واتكلم انا واختي وترد معانا عادي قاطه تسوالف
المشكله انها مو تبع مكتب ولا شي
ولا لها مكتب


ومن بكرا يابنات علت قلبي
بس تبغي تروح لغرفتها

وكل ماصعدت تقول بروح صلي
طيب مو وقت اذن ولا وقت اقامه
اول مره خليتها تروح الظهر وراحت وانا جالسه اصلح الغدا
انتظر
انتظر انتظر
جلست حاولى ساعه ونص


واطلع لا لقيتها جالسه على الدرج :mad:خير
انا باالمطبخ لحالى وانتي على الدرج قلت لها تعالى

وجت


وجاء العصر
وعلى الحال قالت بطلع اصلي قلت لها روحي
راحت والله ساعه واكثر


واليوم كذا من نزلت وصلحت فطور
وانا اراقبها حتي الحمام وانتو بكرامه ماغسلته بس المغسله غسلت يديها

وتقول لي غسلت الحمام

وهو والله ماغسلته ولا عملت فيه شي


وقلت لها غسليه اول حاجه قلت خلاص غسلي
بعدين جت غسلته

مادري وش اسوي فيها
بس طالعه لغرفتها
والمشكله تتحايل على اذا قلت لها سوي كذا واروح ارجع لها والله يبنات ماسوته ولا عملت فيه شي

تقول ايه سوي
وفيه شغاله اختي وشغاله اختي تقول لي ماسوته ولا عملته

وارجع اقول لها تنافخ


المشكله هاذا من اولها مالها 4ايام تعمل كذا


اجل لو بتجلس سنه وش راح تسوي


تكفون اعطوني حل لها المشكله انه مااقدر ارجعها لانها جتني من غير مكتب
رجال يقرب لنا راح بنفسه لااندونسياء وجاب شغالات
وللقرايب اخذ بس حق الفيزه
وهو جاب شغالات وبيكسب منهم ويبيعهم هنا


يعني مااقدر ارجعها مو تبع مكتب
ولا ودي اهاوشها اخاف اكسر خاطرها ولا شي تعرفون هي غريبه هنا
ومالها احد ومن جد انا ارحمهم يعني تشوفون تاركه عيالها وبيتها وجايه هنا عشان الحاجه
الله لايحيجنا لا لوجه الكريم
وش اسوي معاها