وضعه مو طبيعي ابد ومره ضايقه فيني الدنيا

السلام عليكم ورحمة الله وبركاته
اخواتي بدخل بالموضوع على طول
زوجي كاثره سفرياته منتالي هو من زمان يسافر بس منتالي كاثره بزياده يعني بدون مبالغه قبل شهر سافر اربع ايام ويوم الاربعاء اللي فات سافر اربع ايام وكل مره حجه مره كشته مع الشباب ومره دوره من العمل وكل مره يقولي حجه  وانا بصراحه مصدقته ومشيتها وعادي مافيها شي 
المهم اليوم قالي ترى يوم الثلاثاء عندي دوره اليوم الجمعه قلت يافلان ماتباحظ كاثره الدورات والكشتات بزياده خفف شوي ترى مليت كل شوي شايله شنطتي وعند اهلي 
انا وش اللي خلاني اقوله كذا يابنات مو الاسبوع اللي فات قالي رايح كشته مع الشباب يوم رجع يااخواتي مافيه شي يدل ان الرجال كاشت ابد تخيلو قبل اذا راح كشتات يجيني ريحة ملابسه حطب والله من قويها تغطي البيت هذا غير الثياب اللي مليانه تراب اما هاالمره مافيه ولا شي ونظيفه ولا ريحه ولا حاجه انا سكت ومشيتها وماسألته 
جاني اليوم قالي انه بيروح دورة عمل ووراني بالجوال حقه رساله تقول يجب عليكم حظور دورة مدتها يومين بس هو المسؤل عن كتابة رسايل الدورات في مكتبه وممكن يكون فعلا فيه بس هو مو معاهم واستغل الفرصه وكذب علي عشان يسافر وش اللي خلاني اشك انه اليوم بالليل قالي بروح اشرب مويه وراح غرفة بناتي وطول على الايباد اناشيد وجيت بقصر عليه والاقيه يكلم بصووروت واطي وهو متوتر وبس دخلت على طول سكر الجوال بدون مع السلامه وبدون شي وحطه بجيبه وقام يصرفني ويقولي ايه بكرا نطلع مطعم ومن ذا الكلام هو من متى يعرض علي طلعت مطعم الا بعد ماازن انا عليه 
طبعا طالعت بعيونه وقلت من تكلم قبل شوي قال خويي بعدها نام واخذت الجوال ولا كل حاجه ممسوحه من محادثات واتس ومكالمات وكل حاجه 
انا قلبي ماغصني من هاالسفرات وغموضه من ناحية الجوال والله يا اخواتي صار شي اساسي كل نهاية اسبوع يجلس يتحجج لي يا دورة عمل ولا كشته 
انا مارتحت وراه شي بس جواله 24 بيده وزياده يمسح اول باول حاولت اطنش بس ماقدرت 
تكفون وش الحل معاه ابي حلول يا اخواتي