وضعي آنآ وزوجي ،

بسم الله الرحمن الرحيم ، 

مرحبآ ، بنآت 
انآ عضوه جديده ، معكم ، وذي آول مشاركه لي 


بتكلم عن وضعي مع آبو الشبآب 😂
انآ متزوجه من 3 سنوات تقريبإ عندي بنت عمرها سنتين ونص 
ربي ي خليهآ لي 
واكمل دراستي بالجآمعه 
طبعا مثلي مثل اي بنت تزوجت زواج تقليدي ، 
زوجي من نفس قبليتنآ بس بعيد شوي 
يابنات انآ مشكلتي مع زوجي انه انسان بيتوتي جدآ م يعرف لامحلات ولامطاعم ولا اسواق ولاشي 
م يحب يطلع ويخالط النإس ، طلعاته نادره احسن اني اطلع اكثر منه ولو اطلع اروح ل اهلي وارجع هو يبقى بالبيت مايتحرك ، مع هذا كله انتقادي طبعا انا اطنشه 
وللامانه انا انسانه م امسك اعصابي ولساني ، يعني يقول لي كلمه ارد عليه عشر 
حاولت اغير من نفسي بس ماقدرت هو انسان ممل ومع هذا يتريق على اتفه الاشياء ، مشكلتي اللي متأزمه منها معه ، هو انه مايوديني ولا يجيبني ، احس اني مااعتمد عليه ب اي شي 
حتى بنتي لما تتعب انا اوديها للمستشفى وهو جالس بالبيت 
طبعا اروح اوديها مع اخوه صغير بالثانوي 
وهو ابدا مايتحرك ، اروح ل اهلي مع اخوه اخلص مشاويري القريبه مع اخوه برضو حتى لو كان فاضي مايوديني ، ومشاويري البعيده اغلبها مع خواتي ولما اتناقش معه يقول انتي تعرفي داومي ومادري ايش احس انها مو اعذار ، حاولت اعذره بس شايفه كل الرجال عندها دوامات ومع هذا مو مقصرين ، ي بنات انا بنت بلحالي واذا طلعت المول ومامعي رجال م افتك من ملاحق الشباب ، بس ربي يبعدني عن هالاشياء ، اشوف حركاتهم واطنش ، اروح اخلص اشغالي وبس 
طبعا انا ماقلت لزوجي وش يصير معي لما اطلع لحالي من غيره ، واخاف اقول له ويحشرني لاروحه ولا جيه ، واندم اني قلت له ، دايم اتمنى اني اروح واجي معه احسه مايدري عني وش ناقصني ولا وش ابي ، طبعا يومه يادوام يانوم ذي حياته ، واذا صحى من النوم ومافي اكل يتنرفز ويعصب ، طيب انت مقصر بواجباتك وماتكلمت ، المهم صرت اشتري راحة نفسي وابيه بس يسكت عني ، غير هذا طبعه دايم ينافخ يعني ع اشياء ماتسوى حتى مع نفسه بس ينافخ ، اول كنت اتهاوش معه عشان اسلوبه بعدين عرفت انو مافي فايده من كلامي معه صرت اتجاهله ، 
طبعا يابنات بحطكم بالصوره فيه فرق بيني وبينه كثير 
الجمال ، والشهاده ، وابوي انسان معروف بااخلاقه وتربيته لنا ولله الحمد عكس اهله ماابغى اتشمت بس ناس متفككه الواحد اهم ماعليه نفسه وبس امه تطلب وتاخذ ومع هذا احنا فينا وفينا وهي ملاك ماشاءالله ، ي بنات انا اشوف من حركات كثيره واطنشهآ طبعا محترمه ابوي وزوجي وبعدين محترمتها لانها حسبة امي 
بالاخير هي ماتهمني كثر مآتهمني حياتي مع زوجي 
بنات ابغى حل لوضع زوجي ، 
ابي احس معي انسان اذا احتجته الاقيه مو انسان يبي حقوقه ومايبي يقوم ببواجباته 
احيانا يخلص دوامي بدري بالجامعه واتصل عليه يجي ياخذني وهو فالبيت وماعنده شي يرفض يتركني انتظر لين يجي السواق 12 ، بحجه انه مايدل الجامعه وبعيده والطريق زحمه 
صرت حتى لو خلصت بدري مااتصل عليه لاني عارفه رده 
ايش رايكم !