انتي لازم تروحي دكتور اكيد عندك نقص فيتامين b12. انا قبلك كنت هيك. عندي اربع اطفال. كنت اشتغل بس مجبوره واتململ وتعب  وكآبه والله بس اخذت الابر صرت اكرف كرف. حتى لو ماكو شغل اقوم امسح الحياطين. حتى طلعتلي عضلات. وشهيتي انفتحت. الله يعينك

رجعت اعتذر انا لما رديت مادريت عن خلفية مشكلتك واحساسك بالاكتئاب
ولا ذكرتي عنه شيئ لما كتبتي موضوعك
دامك تعانين من الاكتئاب انا بعطيك مجموعة حلول
واختاري الي يناسبك علما اني مريت فيه مرتين
مره بعد ولادتي بولدي الاول
والمره الثانيه بعد وفاة اخوي الله يغفر له ويرحمه ويصبر كل من فقد عزيز وغالي
المهم
اول شيئ انتي تنامين بالنهار
وهذا اول سبب
انتي تحتاجين تقومي بالنهار عشان اخرتك
الصلوات شوفي انا كنت ااخرها بعد ولادتي بولدي الاول والله يغفر لي اصليها كانها تراويح من الظهر الى العشاء
ما احس بخشوع ولا بقيمتها
غير التعب والدوخه والغثيان وكل شيئ لونه رمادي احس اني مو حلوه ولا بيتي ولا ولدي
مالي نفس بشيئ
ووزني يزيد ونومي يزيد
وبالاخير صار يغمى علي
وادوخ فجأه
ومره تعبانه
طبعا بالبيت ماكنت مهمله لان زوجي نظيف جدا
ويده بيدي نقوم نرتب سوى وشغل البيت مع بعض ماحسيت
بس كيف تعالجت
رحت للمستشفى سويت تحاليل وطلبت تحويل للعياده النفسيه
بس قال لت الدكتوره مارح احولك للعياده النفسيه
رح احولك لطبيب الغده الدرقيه
وتسوين هالتحاليل
سويت التحاليل
مافي جسمي اي فيتامينات لازنك وفيتامين ب ولا د والغده كسلانه والهرمونات لاعبه فيني وطلع عندي تكيسات
وكانت بشرتي كلها حب شباب
راجعت اخذت العلاجات وبديت ابلع فيها من فضل الله تحسنت
وتحسن نومي
ورجعت علاقتي بربي
ورجعت علاقة بزوجي
صرت اقوم بدري واسوي رياضه يوميا بالبيت
اطلع العصر مع زوجي اتشمس
تحسسسنت بشكل جدا كبييير في ظرف 3 اشهر رجعت لحياتي الطبيعيه
واستمريت من يومها على الاستيقاظ المبكر واني ما اسهر والى يومك حتى اولادي ما اخليهم يسهرون
حدهم الساعه 12 حتى في الصيف نقوم الساعه 8
وبعد وفاة اخوي الله يغفر له صكني اكتئاب فضيع
رجعت للتحاليل واخذت الفيتامينات اللي كانت ناقصتني
وسجلت في نادي 6 اشهر
وتحسنت بشكل كبير
مع الصلاه في وقتها وقيام الليل اللي اقدر عليه
والحمدلله تحسنت عن اول
بس لازم عزيمه واراده
ولازم تحاولي تستمتعين في كل شيئ
اللي ما يكسرك يقويك
والصلاه
الصلاه
الصلاه
هي اهم شيئ احرصي عليها وللوضوء قبل كل فرض حتى لو كنتي على طهاره توضي ترتاح نفسك
واقري قران قد ما تقدري
ابعدي عن مسببات الكآابه الاجتماع باللي يحبطونك
قراءه القصص الرومانسيه الغير هادفه
متابعة المسلسلات الغير هادفه
سماع الاغاني
ابعثي لنفسك حياه جديده
الصباح بعد صللاه الفجر قومي اقري قران وراجعي لولدك وخليه يداوم
ابدي تنظيف البيت وانتي مشغله سورة البقره
نظفي البيت وانتي فاتحه الدرايش وسوي حلى للعصر
بس تخلصين سكري الدرايش وبخري البيت او عطريه او بالفواحات اللي يناسبك
ثم نامي على الساعه 9 وتصحين الظهر نشيطه لباقي يومك
ابدئي بالغداء وروحي تكشخي
ولا تنتظري مدح واطراء ولا شيئ
المهم كلمي نفسك قدام المرايه
انتي الافضل انتي اجمل انتي تقدرين تتغلبين على الكئيبه اللي داخلك
لحد ما تتحسنين
واستمتعي باطفالك ضميهم بوسيهم كثير
ترى وجودهم نعمه وضحكتهم بالدنيا
وداومي على التواصل اليومي مع امك وابوك
قللي مكالمات مع الناس
ولا تقارنين نفسك باحد
انا متاكده انك مختلفه وانك افضل
والسموحه يا اختي واكرر اعتذاري
اسال الله العظيم ان ينور بصرك وبصيرتك

حبيبتي سوي تحليل للغده الدرقيه ان شاء الله مافيك غير العافيه بس اختي كانت كذا ..تبغا تنام ومتكاسله طلع عندها نقص في الغده.