وضعي السابق غير عن اختي

مساء الخير
انا تزوجت بسن كبير بعمر ٣٧ تخيلو من يوم كان عمري سبع وعشرين عانيت من تحطيم واني كبيره ومتأخره عن الزواج والكل ينادي لا تتشرطين تنازلي خذي معدد خذي شايب خذي واحد عنده عيال ربيهم انت ماعندك خيارات فصارالكل سواء معارف او أقارب اذا شافو واحد ترمل او واحد يبغى يعدد او فيه علل الدنيا على طول ىرشحوني له ويتصلون على امي ويقولون اقنعيها وامي بحكم ضعف شخصيتها تسمع كلامهم لحد ما عقدوني اذكر ما قد خطبني اعزب الا واحد عمره ٥٠ جت امي تقول لي زوجت خالك اتصلت هي الي دلته علينا قلت اوكيه قالت امي بس تراه عاطل عن العمل قلت من صدقك كيف اتزوج واحد عاطل قالت عادي حرمة خالك تقول أهل الخير يعطونه تخيلو والله العظيم اني كنت اكره اطلع لناس وحتى اجلس مع امي وكرهت الكل واذا قلت انا متوكله على الحي القيوم انه سوف يرزقني باعزب جلسو يتنمرون علي المهم جاء فرج الله وجائني شخص قريب لعمري واعزب صحيح مو كامل الكمال لله بس الحمد لله تزوجت وانجبت بنت وولد واخرست كل من ضايقني الغريب في الموضوع ان الان عندي اخت كبرت في العمر عمرها ٣٥ ولا تزوجت الناس مافيه احد يجيب لها المترديه والنطيحه زي ماكانو يجيبون لي وامي ما تحب تجرحها زي ما كانت تجرحني بالعكس ترفع من معنوياتها وتدافع عنها معن اختي مو حساسه بالعكس قويه انا مو حاقده عليها بالعكس هذه اختي لكن ابغى اعرف ايش السبب الي غير نظرت امي والناس مافيه احد قال يوه كبرت مافيه احد يقول تنازلي مافيه احد يجرحها والله اني قلت ليتني قبل ما اتزوج عايشه زي وظعها انا راح عمري وشبابي بجروح وتنمر وعقدوني وانا ام ٢٧ كني ام ٥٠ هي ماشاء الله تبارك الله عائشه مرتاحه حتى تروح وتجتمع مع صديقاتها وكلهم متزوجات ومعيلات لكن ولا احده منهم قد جرحتها او حسستها انها اقل منهم عكسي اذكر كان معي زميلات أصغر مني بواجد وكل ما جلسو معي يبدأ رمي الكلام ايش وراك لا زوج ولا اطفال والي تقول اسكتو معنا بنت عزابيه وغيرها من الكلام الجارح