وضعي جبرني اكتب

السلام عليكم يامبدعات حواء
ترددت قبل مااكتب وش اللي مضايقني بس والله من زود الهم اللي فيني الحين قلت مالي غيركم انا عارفه راح القى قله اللي راح يفهموني بس انا كتبت الموضوع تنفيس خاطر
مشكلتي مع امي عمري ماحسيت بحنانها دائما ضدي اعرف لما البنت تشكي لأ مهاتقوم الام تهدي بنتها تنصحها لو بكت تضمها بس انا الوحيده من خواتي غلطانه كم مره تمنيت لما اشكي لها اسمع كلمه حلوه اوتضمني اذا بكيت بس القى منها كل كلمه تجرح وتقول انا غلطانه عمري ماحسيت انها تفرح لفرحي حتى لماحملت بعد فتره طويله كم سنه يوم كلمتها اقولها انا حامل الكلمه اللي سمعتها (ايوااا) بس والله والله والله ماقالت غيرها بنات والله قلبي يعورني وانا اكتب هالكلام لليوم لبكره لين اموت وهي تقول وتعايرني بحملها فيني (انت خليتيني من مستشفى للثاني ليتك ماجيتي لي ) واللي جرحني مره كان مسوين بالتلفزيون لقاء مع دكتورها قامت تدعي عليه لأنها طلبت منه يخليها تجهض والدكتور مانفذ طلبها والله اهون تطعني ولا تقول هالكلام اخرتها اليوم تقول نفس الكلام بنات امي تجرح فيني كثير على جسمي تصرفاتي حتى كلامي ولما اقوم احضن اولادي كذا بدون سبب تقول ليتك تحبيهم صدق على الاقل احاول اديهم حنان انا فقدته احضنهم اذا احتاجو مو مثلها ،والله احاول اكسب رضاها بس كل شي سراب قمه امنياتي تحضني وتعاملني مثل خواتي،اعتذر ماقدراكمل اكثر اتمنى بس دعواتكم ربي يصلح الامور بيننا واتمنى عدم التجريح في الكلام