وضعي جدا سيئ..ساعدوني ماعندي احد ألجأ له

تزوجت قبل 3 سنوات وعندي ولد عمره سنه و4 شهور،
بداية زواجي كان حلم .. زوجي مجنون فيني كل طلباتي مجابه من غير ما اطلب يحبني لدرجة يبوسني ويضمني قدام اهله ومايجلس الا جمبي ودايم ايده بإيدي..
لفينا العالم مع بعض وكانت احلى ايام حياتنا وللأسف الحين اصبحت مجرد صور قديمه وذكرى مؤلمه..
تركت حبوب منع الحمل بعد 10 شهور من الزواج لأني وثقت فيه وحسيت هذا الي ابي اجيب منه عيال وهذا الي ابغى اعيش معاه طول عمري..
لما كملنا سنه بالضبط حملت.. بدأ يتغير تغير بسيط ماكنت الاحظه بسبب تعبي بحملي ومنعتنا الدكتوره بالاشهر الأولى من الجماع بسبب وضعي بالحمل..
من هنا مربط الفرس، بدأ يتغير بس تغير مقبول محتمل وكنت اتحمل ، اقول محروم ما كأنه متزوج ، لما وصلت الشهر الرابع الدكتوره عطتني الضوء الاخضر بعد ماتطمنت على وضعي ومن هنا كانت المفاجأه!!
زوجي رفض نرجع زي قبل بحجة انه خايف عالبيبي وجاب لي كلام ناس الناس يقولون خطير وماعرف ايش..
كنت مهتمه بشكلي وانا حامل اكثر من قبل الحمل، ماكنت اقدر اروح صالونات علشان اتعب وكنت اجيبهم للبيت يصلحوني وحف وشعر وقص وتنظيف كامل .. مع ذلك مافي اي تفاعل من زوجي كان بس يمدح شكلي ويقولي ياعروسه وبس هذا حده..
ولدت بعمليه قيصريه بعد ماعشت فترة الحمل كلها 9 شهور بدون اي اتصال جنسي بيننا ماعدا مرتين او بالكثير 3 خلال 9 اشهر ..
بعد ماجبت ولدي وبدأ اهتمامي فيه تغير زوجي تغير جذري صار انسان عصبي الفاظه قذره يصارخ علي بكل مكان حتى قدام اهله الي كان يبوسني قدامهم !!
كنت ولازلت ارد عليه بنفس اسلوبه ..
جبت لي شغاله علشان اركز اهتمامي على زوجي ولكن مافي فايده !
كثيرررررررررر القى بنات عنده بالانستقرام او التانقو او البلاك بيري ومره قرأت محادثه وربي مكتوب فيها (متى تبين تطلعين؟) 
واجهته كل مره وينكر انه يخون ويقول استهبل مع شباب ؟؟؟ كلام مايدخل العقل !!
اندمرنا يابنات اندمرنا كثير مهما اقولكم كيف عصبي وينفجر فيني بدون سبب ويغلط علي بكلام يوجع القلب وكذا مره دخلت اهلي يهجد فتره وبعدها يرجع وانا خلاص استسلمت ومخليته على راحته متى مابغاني يلقاني نجلس شهر لازم بين كل جماع والثاني..
واحيان اكثررر..
الحين ماعاد له بقلبي ذرة حب ، صرت اكرهه واكره وجوده بلبيت ، مابي اشوفه ولا ابي اسمع صوته لأنه طول الوقت على جوالاته او ايباده..
وانا صرت قمة التبلد مايعني لي اي شي ابد..
قتلني وانا حيه ولولا ولدي كان من زمان تركته لأني ماتعودت على حياة الغلط والسب والشتم والصراخ وصابره بس علشان ولدي..
ابوي وامي منفصلين عن بعض من اكثر من 10 سنوات وابوي من يوم تزوج بعد امي زوجته الجديده قطع كل اتصاله فينا احنا عياله الثلاثه وتركنا وهجرنا عند امي وحتى مايعطينا ريال ..
امي مدرسه متزوجه انسان طيب عندها بيتها ملك باسمها وعندها شقق تأجير ومرتاحه يارب لك الحمد وسواق خاص وخدم ،، ولكن رافضه اني اتطلق تقول الا الطلاق علشان ولدي ماله ذنب تقول بكيفه اهم شي يصرف عليك وعلى ولده وعندك بيتك وجايب لك خدامه خلاص عيشي وخليه بحاله..
بالله عليكم هذا منطق؟؟
ومشاعري وقلبي واحاسيسي ؟؟ 

اتمنى منكم المساعده ، اعتبروني مثل اختكم ولاتبخلون علي بنصايحكم حتى لو كانت قاسيه..