طيب انا بقولك حبيبتي محد يتحمل احد انتي وزوجك كان تفكيركم غلط يوم سكنته عندهم كان رحتي عند اهلك عشان المدارس يختي كان نقلتي عيالك كان المده اكثر من ثلاث شهور انتي مو مجبوره فيهم او اخذتي شقه قريبه منهم وعشتي انتي وعيالك معززه مكرمه مو في مذلة احد اهل زوجك يمكن مايبونك تجين عندهم من الأساس اذا انتي الحين مجبوره تقعدين عندهم غيري حياتك أكلهم لاتبينه قولي لهم وفرو وروحي اشتري مقاضي وقدرين صغار واطبخي لو في السيب واذا جاء زوجك خليه يشتري لك ثلاجة غرفه ويجيب لك تلفزيون وأشتري لعيالك ايباد وكونكت مستحيل تجلسين بدون نت وتلفزيون وركبي دش وانبسطي اذا زوجك سامح لك تروحين وتجين شيلي عيالك وطلعيهم مره او مرتين في الاسبوع روحو مول فيه ملاهي تسوقي ولعبي عيالك ان شاء الله تروحون البقاله وترجعون عندك اوبر وكريم حمليه واطلبي سياره توديك لأي مكان تبينه وماعليك منهم عيالك انتي أسعديهم حطي ألعاب وخيمه صغيره لعيالك واتركيهم واسفهيهم وعيالك لاتخلينهم يروحون عند جدتهم الا اذا جاء ابوهم نوميهم بدري اذا يدرسون وذاكري لهم العصر بعدين وديهم تمشو واستانسي وعيشهم ورجعيهم بدري عشان ينامون وانتي اجلسي على الايباد او كملي شغلك ولا تفرجي على التلفزيون والصبح نظفي وغسلي ورتبي واجلسي سوي لك قهوه وتقهوي وترا التلفزيون يسلي والايباد يسلي خذي واحد ماراح تندمين لانك لو حملتي اليوتوب بتنبسطين وعيالك حملي لهم ألعاب وشفتي الوقت الفاضي عندك اشغليه مثلاً عيالك يروحون الصبح انتي سجلي في نادي او دوره او معهد انجليزي عشان يروح عنك الطفش ماتقدرين عندك طفل صغير اشغليه بالتعلم بالبيت عن طريق الايباد مثل تعلم الانجليزي او المكياج

طالبي زوجك بتلفزيون وقنوات فضائيه او سوني وخلي عياله يشكون له خير ان شاءالله مايجيكم الا بالويكند روحي عند اهلك افضل او ارجعي بيتك محد بيضرك المهم هذا حقك لاتسكتين عنه
ومالومك والله محبوسه ونفس شينه

الله يفرج همك طبيعي الي يسونه عشان ساكنه عندهم
محد يتحمل احد الوقت ذا

ما اظن فيه بيت الان 2017 وماعندهم لابتوب
خذي لك واحد و النت اللي انتي الحين شابكه منه اشبكيه ع اللاب و شغلي لهم برامج وافلام كرتون والعاب يسليهم


وبعدين يا اختي اللي يخرج من داره يقل مقداره
المفروض اصريتي على زوجك ياخذك معاه او يستاجر لك قريب منهم او من اهلك ولا منتهم ونفاقهم قدامه
او تكلمي وقولي له كل شي وهو يتصرف ليه ساكته وهم يمثلون قدامه !!!!

عطيهم بوجيهم وانبسطي ولاكانك تشوفين حركاتهم ماعليه احشري نفسك فيهم غصب دام ماتسوين شي غلط ومحترمتهم خلاص الا ادخلي واطلعي والبسي جلال الصلاه روحي المطبخ وطبخي الي تبين حتى لو قالت فلان فيه قدامك قولي علي جلال متغطيه واسفهيي المهم لاتتحملين شي فوق طاقتك