الله يا ام معاذ يدخلك وزوجك ووالديك وذريتك الجنة على الرد ..
بس ما قولتو لي كيف موضوع عيالي هل يقبلون يسكنونا عندهم تعرفون النظام ما يسمح الا باثنين والا لا؟؟
واما المنشورات فصراحة زعلتيني كيف نخدم دينا اذا ما عرفنهم علية ؟؟؟ الله يعين

عزيزتي وجدان الكلمه

بالنسبة لموضوع السكن ما فيه مشكلة

ما فهمت قصدك اذا ما يسكنون ام واب وثلاثة اطفال كيف السعوديين والجنسيات الثانية ساكنة

انت يلزمك بيت بثلاث غرف نوم لانه النظام كل شخصين يناموا بغرفة

وما فيها اي مشاكل

والله يسهلك واي سؤال انا حاضره

أختي العزيزة

أنا من رأيي تستخيرون أنتِ وزوجك ... في روحتكم لأمريكا ... هذا أولاً

ثانياً ...
الأوضاع صدقيني تماااام اللهم لك الحمد

والله انها أمان مرة الله يحفظ المسلمين أجمعين في كل مكان
ومافيه مشاكل إلا في التفتيش في المطار .. يعني شوي يدققون ويطولون .. بس على كل الناس حتى على الأمريكان !!

و أهم شيء انكم ... تحرصون على كل كلمة تقولونها في التلفون أو تكتبونها في الانترنت وكل موقع تدخلونه في الانترنت وأنتم في أمريكا ... خصوصاً ان زوجك ذو سمة إسلامية ماشاء الله

يعني الدعوة للإسلام ... خلوها بأساليب واضحة ... تكلموا عن الدين الإسلامي فقط ... مو عن المواضيع السياسية !!!! فهمتي علي؟

لأن جميع الإتصالات والرسائل البريدية عبر البريد الإلكتروني ((مراقبة)) ... والله أعلم
وكذا واحد سووا معه تحقيق عشان بعض الرسائل ... والصور اللي في جهازه !!

أما بالنسبة لدراسة ولدك

فيه المدرسة السعودية ... لها أيام معينة في الأسبوع وتبدأ بعد العصر ومنهجها نفس المناهج المقررة في السعودية يعني مثل ماقالت الأخت ام الحلوتين ... ماراح يضيع عليهم شيء ان شاء الله

أبناء جيراننا يدرسون فيها والحمدلله ماشية أمورهم ... حتى لو ماكانت المدرسة جنبكم تقدرين تدرسين عيالك إنتساب ..
بس يبي لك تحرصين عليه أكثر ... من ناحية التدريس

ثالثاً ...

تعامل الناس ... رااائع جداً ... وبصراحة الشعب الامريكي محترم أكثر من الشعب الأوروبي
ومعاملتهم لطيفة جداً ويحبون المساعدة ... ولا يحبون التدخل في شؤون الآخرين
و مجموعة كبيرة أحبت الإسلام و دخلت فيه .. الحمدلله

طبعاً لابد أحياناً من بعض الكلمات أو تعليقات الأطفال لكنها نادرة ..
وان كان فيه عادي تحملي ... لا تلومينهم أكيد أشكالنا غريبة عليهم ... أنا ألبس النقاب ... :55:وكثير من الأطفال يناظروني باستغراب ويجون يسألوني عن الحجاب ... لكن عادي الموضوع .. انت راح تتعودين على هالنظرات ... حتى ممكن بعض الل يسكنون في الأرياف مايعرفون أشكالنا فيستغربون ... لكن كله نظرات بدون مضايقات أخرى ... الحمدلله

وطبعاً احرصي انكم ماتمرون جنب الأماكن المشبوهة اللي يكثرون فيها السكارى والعياذ بالله
لأنك تعرفين السكران مايملك عقله !!!!


واللي أعرفه ان تكساس الحمدلله مليااااانة عرب ... بس ماأدري عن المدينة اللي بتروحون لها


الله يوفقكم ويكتب لكم كل مافيه الخير والصلاح

تحياتي لك وأتمنى أكون أفدتك :27:

السلام عليكم أختي وجدان الكلمة..
انا في أمريكا الان..الاوضاع مستقرة والحمدلله على نعمة الاسلام..
لكن ببالي نقاط معينة ودي تاصل لك..
1- اذا كانت دورة زوجك مهيب ضرورة..فوالله اقترح عليكم وشوري لكم انكم ماتجون...
2- من ناحية ان زوجك ارهابي وانتي متغطية..هين هذي كثيره هنا..بس اللي يمكن انك ماتعرفينه ان تكساس شوي عنصريين وفعلا اول ماصارت احداث سبتمبر تعرضوا صديقات لي لمضايقات هناك(لاني كنت في تكساس وانتقلت عنها قبل الاحداث)
3-ولدك اذا كان تأسس مضبوط مافيه مشكله لاني الحمدلله اسست بنت من بناتي هنا والان هي في الصف الثالث..وترى المدارس مهوب شرط تلقينها بكل مكان مثل ماقالت الاخت ام دحومي..انا مثلا في تكساس ماكان عندي وكانت بنتي منازل..والان ايضا ماعندي ومازالت منازل!! فالمدارس السعوديه مهيب بكل مكان بامريكا ..باماكن محدوده فقط.
4- فكري بالموضوع ياتجون جميع او تقعدون جميع بس يجي لوحده لا.. صعبه جدا..اسألين انا..جلس زوجي 4 شهور وبغى يطق..
استخيروا الله وقلت لك والله اذا كانت الدوره يقدر يعتذر عنها فاتركوها ترا مابامريكا خير وفعلا كل شئ وارد..ماتدرين وش ممكن يصير ناس كثير هنا قشوهم المباحث والتهم مختلقه!!وامريكا ينطبق عليها من أمن العقوبة ساء الادب..
الله يدبر لكم الخير والصالح مع خالص امنياتي..

لاخت الفاضلة .. ام دحومي
الله يجزاك الف الف خير على الرد واعادكم الله سالمين ..

ام الحلوتين ..مشكورة حبيبتي على المشاركة وانا اقصد بموضوع السكن ان فية ناس كثير كانو معنا في السكن الي كنا فية وطلبو منهم ادارة السكن الخروج منة بحجة ان عدد الاولاد في نظام السكن ما يسمح باكثر من اثنين ؟؟

الاخت الفاضلة .. شاكرة الله يجزاك خير على التفاعل مع الموضوع بس وانا اختك انا ما لاحظت اي عنصرية من ناحية اهل تكساس وعلى العموم انا حبيت اخذ فكرة عن الوضع والا موضوع بنروح والا لا فمتوكلة على الله (يعني اذا الله كاتب لنا بروحة رحنا واذا لا خلاص لا) والمشكلة ان فية ناس نعرفهم رحو وللاسف نبي نعرف عن وضع المدينة هناك اي شي وهما لاحس ولا خبر مع انهم رايحين على الله .. الله يكتب لنا الي فية الخير وانشاء الله ما يكون فيه مشاكل .