وضع زوجي مع الصلاه،،ساعدوني

السلام عليكم ورحمة الله وبركاته.....
ياحبيباتي عندي موضوع مره مضايقني با أطرحه عليكم وابغا تفاعلكم معي ،انا زوجي الحمدلله طيب معي وعلاقتنا تمام ولله الحمد بس المشكلة في الصلاه زوجي مره مقصر فيها الله يهديه مثلا يجي من الدوام وينام الى الساعه10 بالليل وتروح عليه الصلوات تروح عليه صلاة العصر والمغرب والعشاء وإذا صحي مره يقضيها ومرات لا وداااايم ينام عن صلاة الفجر مهما اصحي فيه مايقوم وأحيانا يعصب علي لما أقومه للصلاة والله اجلس ابكي من القهر لما اسمع الناس يصلون. وهو نائم معي بالبيت مدري وش الحل معه دائم أكلمه في هذا الموضوع ويوعدني انه يتعدل وما أشوف اي تعدل استخدمت معه كذا أسلوب ما فاد معه، وقالت لي مره وحده انه مايصح تجلسين مع شخص مقصر في الصلاه مدري وش الحكم صراحه، ابغا نصائحكم وأنتم كيف وضع أزواجكم مع الصلاه وفيه احد كان زوجها مثل زوجي وتعدل ولا لا، الله يحرم أجسادكم عن النار ،،،