وضع عايلتي صعب وغريب

السلام عليكم
مادري كيف اشرح لكم المشاكل الي عشتها
دايم اطور شخصيتي صحيح يصير فيه عثرات
بس الي تعبني عايلتي ماتساعدني ابدا
امي من جهه تكفخ وانا صغيره الى سن الثانوي على ما اعتقد 15..16
اروح للمدرسه وانا صغيره وارفع اكمامي اوريهم اثر الضرب وتقبيص والله مافيه مكان مافيه مكان مافيه لون
اخضر على ازرق
اسباب الضرب اما تربويه او فشة خلق
اسلوب الحواري وانا صغيره معدوم في داخل البيت
وتقولي الى يومي هذا بقره خبله فرعون حيوانه الحيوان احسن منك
مستواي الدراسي الا يومي هذا في تذبذب
الحين عمري 23 لي كم سنه احاول اكمل دراستي في الحجاز وابني نفسي وارجع هاديه وابطل تعصيب او حتى حساسيه ودي ابني نفسي دينيا اجتماعيا ودراسيا
اخر مره قلت لها ابي اكمل دراستي في الحجاز قالت شوفي مكه فتحوا مستشفى مجانين بنبره غضبانه
تقولي بطلي دراستك كل فصل وتوصي اختي الي اصغر مني تكمل دراستها اختي الكبيره كملت دراستها الجامعيه وعمرها ماقالت لها كذا
اقولها بحط تقويم اسنان تقولي لا وين غالي
تخيلو قبل شهر طاحت تلبيسات امي الاماميه واخذتها على عياده محترمه واقوم الصبح علشانها وانا سهرانه في الليل قالت لها اختي الصغيره ابي احط تقويم اسنان قالت لها مو محتاجه انتي قالت "اختي بتحط ألي انا "وانا مااحط قالت اختك اسنانها مشوهه وفكها مايل وقلت لاختي الكبيره ليه تقول كذا امي ليش تهيني لما سألتها انكرت الشي هذا وصار طبع فيه تسبني واذا وصيت احد يقولها انكرت وحلفت شي يعور قلبي وإذا غلطت علي كبت الحكي علي وجلست تدعي علي يا امي اسكت واطلع من المكان تجي تلحقني وتتمسخر وتضحك بصوت عالي وغذا حاولت اقنعها او اكلمها ترد علي بأسلوب تقلد على نبرة صوتي "ذا ذا ذا ذا " المهم جاء اليوم الثاني قالت لاختي بوديك لعياده الي تاخذني لها اختك ومن بعدها بكره الصباح افتعلت طقاق عشان تكرهني اروح معاها بس والله كنت اروح معاها رغم هذا كله بعدين قالت مابيها تروح معي ابي بنتي الصغيره تروح معي ودتها لدكتوره قالت مو محتاجه
و ركبت لها تقويم بنفس اللحظه الي طلبت منها

بعدين اختي الصغيره مرضت وجاها انفصام في الشخصيه نصحى على صراخ
ماكنت متوقعه الانفصام كذا ابدا ابدا والله تعبنا نفسيا اخوي الصغيره اشوفه يرجف من الخوف
انا كنت ارجف تعب قولوني اي شي اكله على الحمام وانتو بكرامه وما اكل الا حبت تمر ولا شي مايعتبر وجبه
الى يومي هذا بطلت اشوف افلام رعب شفت الرعب قدامي الحين ارحم من اول اخذت علاج بس بطلته بسرعه وهذا غلط طبيا راح الصراخ
بس إذا كلمتها يصير كذا بطلت اكلمها اريح راسي الحين انوم في المقلط بعيد عن مشاكل امي وحالة اختي والله توني مزينه الغرفه وشرايه اغراض من ايكيا ماتهنيت فيهم

بعد المرض صارت اختي غيوره اضعاف وتتسمع سواليفنا من ورا الباب
وتفتش اغراضنا الشخصيه كل شي حتى لو مذكرات
وصار التعامل معاها صعب


اختي الكبيره في الفتره الاخيره مو عاجبتني صارت تقول اسمع اصوات في التلفزيون او التليفون اسكتوا لاتقولن شي عني والاجهزه مشغله
لو تروح مكان تقول شغلي يتجسسون علي خايفه اختي الكبيره برضوه تتعب بمرض الانفصام

انا صراحه تعبت من وضع عايلتي ما عمري حسيت بالاستقرار