دبدوبة سوبر ستار @dbdob_sobr_star

عضوة

وضع محرج لانحسد عليه الله لايبتليكم محتاجة آرائكم

تطبيقا لقول شيخ الاسلام ابن تيميه رضي الله عنه يقول : ماندم من استخار الخالق ، وشاور المخلوقين ، وتثبت في أمره .. اطرح لكم القصة التي لم اتخيل يوما ان اكتب في هذا القسم ولكن إرادة الله
لعلي وأهلي نستنير بآرائكم لمن يملك رأي سديد أو فكرة أو حل دون تعليق على محتويات القصة >> رجاء لأن ما فينا كافينا

والقصة مختصرها

يسر الله لأختي وتزوجت قبل شهر من الآن من رجل مطلق ولدية بنت عمرها سنة ونصف أوضاعه المالية سيئة جدا ،
1. اخبر أخي عندما تعرف عليه انه مطلق ولم يخبرنا أخي –هداه الله- ولم تعرف أختي وأبي بذلك إلا بعد الملكة وتقبلت الأمر بعد أن أبدى اسفة على زواجه الأول ،

2. قال لأختي إن أهل زوجته سحروه وانه سافر للسودان وللكويت للعلاج وعمل حجاب أوأنه وأنه
ولما رأى تخوف أختي وعتابها له انه لو يخبرنا بكل هذا قبل الملكة واحتمال فسخ الملكة طلب منها عدم إخبار أهلي وكذب ما ادعاه وقال لاختي انه سافر هناك زيارة وأخرى كانت عزومه ولأخي انه بدون جواز سفر فكيف يسافر هناك وانه كان يريد تخويفها عشان لا تفتح معاه موضوع زوجته الاولى وأنه يريد نسيانها> اعذار
وكانت اختي سالته كم لك مطلق؟ في نفس المكالمة الي قالها انه مسحور

ولا نعرف عن أخلاقة شي غير ما يقوله هو عن نفسه ، المهر كان 15 ألف راح تستغربون لكن حنا ناس نبغى الستر ولم يدفع منها غير خمسة ، طالبنه بالدفع وقال انه لا يملك البقية أكمل إخوتي وأبي حفظهم الله تجهيز أختي
وعملنا الفرح على حسابنا وتكلفنا فيه كثير

آجار البيت لمدة سنة وعفش البيت ومقدم سيارته كانت على حساب احد معارف أبي حب يساعده أبي وصديقة جزأهم الله كل خير

هو في كلامه انه مقدر لأبوي الي سواه معاه لكن الفعل لم نرى شي

المشكلة هنا والي كتبت من أجلها الموضوع وعرفتكم بزوجها عشان تقدروا تحكمو وتعطوني رايكم أنه

قدمت أختي على وظيفة واستخارت أختي كثير في خصوص التقديم على وظيفة بمدينة أهل زوجها ولكن لم تستشر احد ولم تسمع لأحد وجاء تعيينها في ديرة أهل زوجها
طلبت منها إن تطلب مدينة غير ديره أهل زوجها بعدا عن المشاكل وحتى يستطيع إن يجد هو لنفسه عمل أيضا ولايعتمد عليها علما أنه لايتوفر بديرة أهله عمل وإلا لم يتركها وتغرب وجاء يعمل هنا لمدة 10سنوات

هو فرح جدا جدا بنية اختي بالتقديم وقال انه بيبني بيت ويستقر هناك – لا حضوا كل من راتب أختي - في العقد شرطنا السكن بمديتنا وانه يسمح لها بالعمل
طلب أبي وأمي منه أن يأجلو سفرهم للوظيفة مدة سنة حتى يستقروا خصوصا أنهم ببداية زواجهم ومالهم غير شهر ولم يتعرفوا ويتعودا على طباع بعض ولايخفى عليكم أهمية أول سنة زواج حتى نتأكد من مسؤليتة وقدرته وحتى يتطمنو أهلي في البداية وافق ثم غير راية مصمممم على السفر وان تقبل اختي وظيفتها
هو شاف الرسالة حقت الديوان انك لازم تكملي أوراقك انجن وقال رزقنا ولازم نسافر،

و قال لأختي خلينا نروح السوق وفرررر سفار بها لديرته بدون ما يعلمها هي وين رايحة وبدون مايقول لاهلي أمي وأبوي اتصلت قالت أنا في ........ وهي متفاجئة تقول ما قلي احنا وين رايحين وشفت الطريق طوويل اقوله وين رايحين؟؟ ياقلبي عليها أمي وأبوي انفجوا وخافو على أختي كانو ناوين يزرونها بنفس اليوم كيف يسافر بها بدون ما يقولنا ولا حتى يقولها كانه خاطفها عشانه يعرف احنا محنا راضين وطلبنا تأجيل السفر سنة المهم باتو ورجعوا اليوم الثاني

اليوم جمعة هو مصمم أنها تروح السبت تكمل أورقها

وش رأيكم يابنات هو حالته المادية مرة سيئة وهو كان يبي يتزوج بنت عمته وهو يحب عمته هذي مرررة ويسمع لها بس ماقدر على تكاليف زواجها وقال لأختي إن بنت عمته تزوجت وتطلقت بعد شهر ويقول عشنها مغصووبة >> فكأنه يحبها أويبها

وهو قووي شخصيته والي يبي يسوية يسويه ولايسمع لأحد

أختي مرة حساسة وقبل لاتتزوج لما تزعل يجيها اكتئاب وإمراض جسدية نفسية نتيجة الاكتئاب تقلق كثير واذا قلقت ما تنام

هي قدمت قبل الزواج الحين ماتبي تروح للوظيفة والحين تقول مرة ماني مرتاحة ولامتطمنة له وخايفة إذار راح هناك يتزوج ويأخذ راتبها

خايفين على أختي مرة من المشاكل والحسرة والحرة لو اخذ راتبها منها لاني زي ماحكيتكم انجن لم سمع بالوظيفة ومتمسك فيها وشفتوا الكذب الي صار قبل الزواج يعني ما ينوثق في كلامه أبدا حتى لو شرطنا راتبها له يمكن يرجع في كلامه او اصلا مايهمه

ولا همه رغبتها ولا رغبة أهلي انها وانهم مايبونها تسافر
خايفة على امي وابوي الي ممكن يروحو فيها لو صار شي هم بروحهم معاهم ضغط وسكر وابوي بعد مريض بشي ثاني الله يشفيه ويعافية ومايستحملو مستاءين منه

فدرءا للمشاكل الي بتصير على الراتب – لاقدر الله – والتي واضحه للعاقل الفطن الكيس وهو ليس لديه وظيفة هناك واحواله المادية سيئة

أنتم وش الحل بنظركم وكيف تقدر تقنعه وهي تقول ماخليت كلمة ماقلتها بس موراضي يقتنع علما انه ابوي كلمة مايروحون هناك وافق بعدين رجع يبي يروح وابوي ناوي يكلمه بكرة ويبيها السبت تروح تكمل أورقها وتعمل المقابلة والكشف الطبي.

اعذوني على الاطالة وقسم وانا اكتب وانا تعبانة مررة وحبيبتي مهمومة وربي مهي قادرة تنام ولاتاكل ماتبي تروح.

وزوج اختي الحين حالته متوتر ومنزعج لأنه ممنوع من العلاقة الحميمة بطلب من الدكتورة النسائية ويقول انا محرووم.

جزاكم الله الف خير وياليت تقدرون تردون علي قبل السبت.

يلزم عليك تسجيل الدخول أولًا لكتابة تعليق.

تسجيل دخول

طاقية • 15 سنة

طيب هي ليش تقدم على هاالمدينه من الاساس!!!!!!!! وانا ماأشوف فيها شئ لو تروح وتتوظف هذا رزق جايها ليش ماتبيه؟؟؟؟؟؟؟عشانه قريب من اهله مو عذر!!! حبيبتي الناس تتغرب عشان الرزق خاصه انك تقولين ان حالتهم الماديه سيئه واما سالفة بنت عمته لالالالالالالالالالاتجيب طاريها وتقدر هي بذكاءها وتعاملها تنسيييييييييييييييييييييييييه والله معها حبيبتي

محبه للناس • 15 سنة

لااله الا الله اعانكم الله

خلاص بطلت • 15 سنة

بقول لك الحل الوحيد هو تشترط عيه انه مايشوف ولاريال من راتبها وخليها تتكلم هي معه باسلوب حلو وتقول الي اوله شرط اخره نور وتشوف ويش يقول اذا كان طمعان فيها ويبغي يلهفها خليها تخيره ياوظيفه وفلوسها لها او بدون وظيفه
وماشاء الله اختك باين عليها من البدايه فطينه لا تخافين عليه لو وحده غيرها كان ماتكلمت الابعد ماطاح الفاس براس

احلى كشه • 15 سنة

والله مادري وش اقول

الله يوفقها ويرزقها

واما عن الراتب لاتعطيه ولا شي هاذا حقها لاتنغر بكلامه وتعطيه الرجال شكله ماينظمن ماتدرين يمكن بنت عمه تشوف معاه فلوس اللس هو راتب اختك وتوافق عليه

الله يستر على اختك

ومن الاساس ليه توافقون على رجال ماتعرفون عنه شي

انا اقول اذا هي ماتبيه تتركه من الحين قبل لايجيها عيال وذاك الوقت ماتقدر تتركه علشان عيالها
وتنقل وظيفتها للمدينه اللي انتم فيها وتجلس على وظيفتها الين يجيها رزقها وربي مايخلي احد

ساره الحبوبه • 15 سنة

صبااح الخير والشهر مبارك عليكم
صرااحه الموضوووع مره كبير ومتششعب وصرراحه اختك الضحيييه
في هالزواج والقصه كلهاااا
اول شي اذا كانت اختك مقدمه ع الوضييفه قبل زواجهاا يعني انتم متوقعين
بيجيها ووضييفه وباي مديينه وبترووح خلاص خليها توكل وتحمل لان الفرصه جت مرره ويمكن معاد تكرر وتندم
اذا ع زوجهااا ماله شغل في راتبها هو يجللس في المدينه الي يششتغل فيهاا وهي تروح لعملهاا وفي الاجازات ياهو يروح لها ولا هي تجي له حالها حال اي معلمه توضفت اكييد لازم صبر وتعب
هي حالين وااضح منكم كلكم مارتحتو لزوج والوضيفه جت بوقت سيئئئئي وشكل نفسيتها زفت > مالومهاا والله
بس خليها تدعي وتوكل ع الله الوضييفه في ذا الوقت اهم من الزوج الرجال يمكن ع قولتك يحط ع راسها ديوون وقرووض وبعدين يتركهاا > >
وفيه ششي انتم مااقصرتو في زواجه وسااعدتو وساانتوه للمعلوميه ترى هالنوعيييه مايبيين في عينها الا التررررراب يعني الاهل يسون كذا عشاان يفرحون بناتهم ويسعدونهم وهم لا هل من مزييد ؟ ويالييت يقدرون هالبنت ويحترمونهاا بس
اذا ع الراتب وهالكلام 1000% بيراكض في اوراقهاا وكل شي ع حساابه بس
بس خلي اختك اذكااء منه توكل ع الله في كل شششي وتشرط الي تبي ولاتخسسسر وضيفتها وصحتهاا وزوجها معن احس انه لو وقفت ع رجلها بيسوي كل شي لصحاله ع العمووم الله يجبر بخااطرهااا ويشرح صدرها ويهديييييييه لهاااااا .........