وظائف باب رزق جميل لمن ترغب في ذلك

السلام عليكم ورحمه الله


السالفه ياطويله العمر هجمت اليوم انا والوالد الله يحفظه ويشفيه على موقع باب رزق جميل اللي بالتخصصي مقابل مبنى العربيه من اجل التوظيف طبعا بتسالون ليش رحت هم نادونوني لا مانادوني بس الحاجه خلتني احوس واحوس لين انطقت فيوزي ودار مخي وطلعت فاتصلت عليهم وقالولي بكره تعالي على اساس اليوم وفيه مقابله

رحت على 9 تماما لان المقابله تبدا 9 على كلامهم لكن انتظرت وانتظرت وانتظرت لين بغيت انفجر وصلت الساعه10 وتوهم ينادوني وشوي الا الموظفه تقول تراه رجال وحرمه اللي بيقابلون معك انا:frown:وقتها كان كذا وجهي لاني عرفت ان الوظيفه لابد من الاختلاط



والله ودخلت ويقولون وين السيفي ( السيره الذاتيه ) واعطيهم طبعا قالوا وين ساكنه وعلمتهم وعلى طول حددوا اقرب مكان لي للوظيفه وفعلا كان قرييييييييييييييييييب جدا بعدها سالتهم قلت وشهي طبيعه العمل قالوا بائعه في كشك مكياج انا تكرنت قلت انا جامعيه وطاقه مشوار وتقولون بائعه طيب موافقه بس وين قال بزاويه بمحل .............................؟! قلت يعني راح يكون معاي كاونتلاات البائع رجال ناظر فيني قال ايه قلت انا مشكلتي باهلي والا انا محتشمه وجايه لرزقي ومحتاجته لاني ارمله واراعي بيبي رضيع قال خلاص انتي احوج من غيرك خذيها قلت طيب كمل اجراءات الوظيفه



طبعا في هذه الاثناء اهلي لويدرون بضحون فيني للعيد ههههههههههههه بس جت الطامه الكبرى الا وهي الوقت قالي الوقت من 10 صباحا الى 12 ظهرا ومن 4 عصرا الى 12 ليلا هنا قلت انت تعجزني والا ايش قال والله هذي هي الوظيفه طبعا الراتب حلووووووووووو 4000 ريال التوصيل عليهم وعندهم تامين قلت انا مستعده من 6 صباحا الى 4 اة 5 العصر بس هذا عائق ثاني لي قال صعب واقوم وانا حزينه واعتذر اني مااصلح للوظيفه بسبب رفض اهلي






الزبده من هالبربره حبيت اقولكم فيه وظائف بائعات في المولات براتب 4000 ريال مع تامين والتوصيل عليهم والدوام شفتات الاول / 10 صباحا الى 12 ظهرا

الثاني/ من 4 عصرا الى 12 ليلا


موقعهم طريق التخصصي مقابل مبنى العربيه وترى ارقامهم بالنت على طول يردون عليكم



اللي اهلها ماراح يعارضون الله يوفقها وتستاهل الخير ترى على كلام الموظفه يبون كثيييييييييييييييييييير موظفات
دعواتكم لي بالوظيفه الحكوميه وسامحوني هالسرد اللي فوق