مشكورة حبيبتي.... أنا من الشارجة ويا ليت تدلوني على مكان بالشارجة مب دبي ما عندي حد فاضي لي كل يوم يدق درب لدبي وتعرفون زحمة دبي كيف :(

يا ليت لو وحدة تعرف مكان بالشارجة ويكون فيه قسم للنساء لني ملتزمة وأهلي ما بيرضون فدلوني يزاكم الله خير.... سبحان الله من دون واسطة والله توظفت للتدريس من تخرجت ما قعدت إلا يمكن شهرين وتوظفت لكن سبحان الله يوم استقريت بييبون لنا اولاد الله يسامحهم


بليز ساعدوني ودلوني.... :(

والنعم بأهل الشارجه
ماوصيج إلا على تنمية الموارد البشريه اللي في الشارجه لانه ختي من الشارجه ومقدمه هناك وتولت حرمه اوراقها وتتصلها اتخبرها وين بالضبط تبا وهي تكون المسؤله عن توظيفج
تقدرين تاخذين من عندهم ورقة البيانات الشخصيه أو انج ادونين البيانات الشخصيه في موقعهم الخاص
وهذا هو موقعهمhttp://www.arabhr.com/index.php
واحسلج في الموقع لانه بيكون أسهل وأسرع ..وإذا واجهتي صعوبات خبريني وأنا حاظره في أي وقت
وبالتوفيق

الغاليه انا حاولت اسجل
وسجلت جميع بياناتي بس تظهرلي نافذه تخبرني بان من فضلك ادخل اسم المستخدم
موب عارفه شو يعني اسم المستخدم وكلمة المرور من وين ايبها
انتظر ردج يالغاليه

اختي نجمة السهره لازم انتي يوم ادخلين البيانات ادخلين معاهم اسم المرور ورقم السر في نفس صفحة البيانات يعني نفس منتدى عالم حواء يكون عندج كلمة مرور ورقم سري وبيكون عندج في موقع التنميه لوحة تحكم خاصه بج توصلج الرسايل فيها وتعدلين سيرج والبيانات اذا كان فيه اي خطأ

والله هاذي حال وايدات ..:(

بس يالله متوكلين على الله :)