وظائف هذا الشهر ( بالتفصيل )

السلام عليكم ورحمة الله وبركاته

قبل مااتكلم بالتفصيل عن سالفة هذه الوظائف ، اللي ماتصدقني توفر على نفسها الرد وماترد وبعبارة اخرى ( قل خيرا أو اصمت )

الحمدالله انا مااتكلم من عندي انا اجيب معلومات مؤثوقة وراح ابدأ اتكلم لاني تكلمت بالتفصيل عنها في تويتر وكثير خريجين وخريجات بيقدموا فيها

هي وظائف إدارية مع مفتشة نساء استنادا على كلام متحدث الرسمي للوزارة الخدمة المدنية واستنادا على موظفة الخدمة المدنية قالوا هذه وظائف إدارية لكن صحيح الغريب ماوضعوها مع مسميات الوظائف

بالنسبة لكل وحده وتخصصها لما تدخلوا موقع جدارة بتاريخ 24 هذا الشهر يبين لكم الوظائف اللي تناسب تخصصكم واذا ماعجبتكم الوظائف الخاصة بتخصصكم خلاص اطلعوا من الملف ولاتحطوا الرغبات المكانية

الوظائف الإدارية قالوا تشمل التخصصات النظرية مثل لغة عربية ودراسات اسلامية وغيرها أما التخصصات العلمية جربوا حظكم بهذا اليوم وشوفوا الوظائف اللي تناسبكم

طريقة التقديم عليها نشرت تجربة خريج في موقع تويتر الله يجزاه خير وطلبت من البنات يتبعوها لان التقديم شوي معقد ويبغالوا شويه صبر

بالنسبة للمجتازات كفايات مانصحتهم يقدموا السبب نظام جدارة جديد واخاف يصير تخبيص في ملفكم وتتورطوا لما يجي التقديم على الوظائف التعليمية لكن اذا تتحملوا العقبات وتقدموا انا ماامنع كل وحده حره تقدم ولا

انا مجرد ناشره معلومات عن الوظائف وطريقتها وكل شي

اللهم صل وسلم على نبينا محمد

وهذه تجربة خريج للتقديم عليها :

طريقة التسجيل في جداره3:أولا لابد أن تكون(تكونين)مسجل في جداره3 ثانيا تدخل على حسابك وتختار ثاني خانه على اليمين مكتوب فيها(تحديث-تعديل بيانات المتقدم وتنزل للأخير فيه مربع صغير مكتوب فيه:التقديم على مفاضلة اعلان الوضائف الإدارية. تضغط على المربع تجيك الوظايف المناسبه لتخصصك ومؤهلك وهي عشر وظايف بعشر مقرات وتختارها كامله بعدها تضغط حفظ وبعدها تضغط طباعه لأنه لازم ضروووووووري تطبعها. ولازم تلحقون خاصة الرجال قبل يوم6/22 لأنه بيقفل التسجيل ويبدأون في الخريجات. طبعا لازم يرفع ضغطك التقديم وأنا قدمت وتخصصي لغة عربيه وجلست يمكن أربع أيام لين ضبط معي والحمد لله لأنه واجهتني مشكله كلما ضغطت المربع اللي تحت عشان اختار الوظايف وأماكنها يطلع لي يقول: لا توجد وضائف تناسب مؤهلك وتخصصك. لكن الصبر والتوكل على الله والمحاوله ليل نهار حتى تضبط معاك وطلعت الوظايف اللي جتني واختاروها لي (مساعد إداري) قلنا ياليت تجي. حبيت أبين لكم الطريقه وأسأل الله لنا ولكم التوفيق. ودعواتكم لي