وظايف فوريه للجنسين في كل فروع المملكة بسرعه وبدون شروط

وانت صادقة مو شاطر الا بالفيز حقت الشغالات الواحد تطلع عينها لاجت بتقدم شغاله من شروطه

يقول طويل العمر الوزير غازي القصيبي لن اطلع من الوزارة حتى اسعودة كل الوظايف في الشركات والمؤسسات
السباك سعودي والكهربائي سعودي وبايع البليلة سعودي وسواق وايت البيارات والمجاري وانتم بكرامه سعودي وعامل التنظيف في الشوارع والمستشفيات سعودي

معقوله هذا الكلام ونحن في اغنى دولة في العالم في تصدير النفط

والاعظم قوله والعهده على الراوي في موضوعه عن السعوووده

(( وش فيها لو اشتغلت المرءه السعوديه عامله في البيووووووووت !!!!!!!!!!!!!!!!!!!!!!!!!!!!!!

يارب لك الحمد والشكر يااااااااااارب
الله لاتحدناا على هالزمن ياااااااارب

خلاص بنشتغل عاملات بالبيوت بشرط يشيلونة من منصبة ويصير سواااااااق خاص عند عائلة

وش علية ياخذ له راتب بحدود 200.000 ريال بالشهر
وشلون تبونه يحس بمعاناة اللي يفرح بالريال...؟؟؟؟:30:

وينك يا ملكنا الكريم والشهم تسمع هالكلام
لهاالدرجة الحريم بالسعودية صارو رخيصات

ويقولون عندنا بطاله

يا ناس .. انا ابي اقول لكم مشكلتي و مشكلة كثير منا .. و ياريت لو احد يرفعها للمقام السامي ..

انا جامعية و لدي خبرة سنة و لدي دورتين حاسب الي .. ملمة بالكثير من المهن .. تدريس + فنون جميلة + خياطة + مصممة جرافكس + لدي دورات في صيانة الحاسبات الالية + فنانة في المكياج + سرعة الطباعه على الكمبيوتر + اجيد الانجليزية بمستوى متوسط

سبع صنايع والبخت ضايع على قولت المصريين .

اكتتبت في شركة الاتصالات موبايلي وانفتحت لي محفظة . و بديت اطقطق وانا في الجامعه بالاسهم بمبالغ صغيره جداً ( مكافئتي الشهرية ) وبديت اطلع ارباح صغيره .و امتلكت عدة اسهم في عدة شركات

تخرجت و بحثت عن وظيفة ووجدتها في روضة اطفال بدون عقد ولا بند ولا شر المديرة وظفتني على وظيفة كاتبه حاسب الي . و غربلوني كل يوم لي وظيفة وهمه عندهم . جاء التجديد و لا جددولي برغم كل خدماتي .

بس ليه ما ججدو لي ..

لانه فيه عجايز من عام 1403 موظفات وللحين ماسكات بالوظيفه بسنونهن .و المشكلة انهن إما معهد معلمات - او معهد متوسط من الرس وغيره حتى ليته من مدن إلا من قرى .

تركت الوظيفة وجلست بالبيت و تفرغت للتداول ... جيت اجدد التداول عن طريق النت .. رفضو التجديد .. بحكم ان المبالغ اللي فيها اقل من 100 الف ريال ..


و اغلقت المحفظة

و تزوجت

تزوجت شاب معه ثانوية و دبلوم شبكات موظف في جهه حكومية .. وينتظر الترسيم .. راتبه الشهري 2000 ريال ... هذا راتب سواق .ولكن اذا ترسم يصير 4000 ريال ...... و موت يا حمار لين يجيك الربيع ..البلديات في كل المملكة نزل ترسيمها إلا اللي عندنا .

ادور على وظيفة من جديد ... ما فيه امل ...

اقدم على الديوان .. ما وظفوني ..

اقدم على محو الامية .... ما وظفوني ...

اقدم على المعهد التقني للبنات الجديد .... ما وظفوني ..



فكرت اعمل مشروع ... ابي راس مال .......... ما لقيت ... اروح المجمعية لمساعدة الناشطات لبداية اعمال صغيره ... لازم كفيل غارم وما ادري ايش ...


ويقولون عندنا بطاله ....


ياناس خافوا الله فينا والله احياناً يمر يوم ما الاقي في جيب زوجي إلا ثمن حليب ابني ..

و غيرنا كثير مثل مشاكلنا ..

ياناس قاعدوا الشياب والعواجيز خلونا نشوف رزقنا .. والله العظيم ان خالي ابو زوجي إلى الان معلم في مدرسة ابتدائية ..


يعني ان جينا نسوي اي شي طلعتوا علينا عقبات ..

وظايف ... ما تبون توظفننا .

ارزاق وسكرتوها علينا و تحسبون ان حنا صغار المساهمين نخرب السوق .. اللي يخربها ابو مليار ومليارين لما يحوس اقتصادكم بوايا طمع .

مشاريع تطلعون لنا الف مقده وعقده عشان ما نبدأ

وش تبوننا نسوي عشان نعيش زي بقيت الناس ...


نشحت ... او نبيع مخدرات .