سوري عل العنوان بس عشان تزورو الموضوع واشوف اكثر مشاهده له
ادري بعد ماتقرون اللي تحت بتكون فيساتكم هيك
بس بجد حاجه تقهر دايم يلفت نظرنا وظايف وظايف واذا قدمنا ماتطلع اسمائنا هذا غير الوظايف التعليميه
اللي غسلنا ايدينا منها
غير العقبات اللي توقف بوجهنا اذا قلنا بندرس ماجستير او دكتوره يعني بدون واو مستحيل
ندرس الا اذا وحده امها داعيتلها بليله القدر
بصراحه ودي افضفض 8 سنين متخرجه وماخليت شي ماقدمت عليه
وله طلع اسمي
يعني شهاده + دبلوم +دورات
+ وحده طموحه جدا
وش يبون بعد ..
بنات والاغلب صارو عاطلات
شباب لحقو ا وصار بعد يعانون من البطاله
لمتى؟؟؟؟؟؟؟؟؟؟؟؟؟؟
متى بنشوف نظره وحلووووووول للبطاله
اخااف يوم تتفاقم وتكبر وانتو عارفين اكثر معدلات الجريمه من البطاله والبقاء بدون وظيفه
اللي اكيد اثارها نفسيه مدمره للشخص +طفره للشاب+عوانس شباب <<اخر زمن بيصيروا عوانس ويكملو صف مع البنات
هذا كله بودي فين للجريمه اولها لاسمح الله مخدرات وهلم جرا عاد لو راح هالدرب معد فيه ذره خير بخرب البلد واهلها وشبابها.
والبنات في بنات يتامى بحاجه للوظيفه وفي بنات بيتوظفون وبعولون اهلهم
وفي بنات عوانس خايفين من المستقبل بامنون حياتهم بوظيفه
يعني المفروض اول ماتطرح مشاكل بمجلس الشورى
تكون عن البطاله ..بطاله الشباب من الجنسين
الحين الاغلب معد صار يدخل جامعه وله كليه
والسبب هالقدرات والله في بنات جابو 98 نسبه ومادخلوا القسم اللي يبغوه بسبب القدرات ليش!!!
والله انا ماني شايفه القدرات مقياس حقيقي للشخص
بالعكس صارت عقبه نفسيه لطلاب الثانويه والجامعه اكثر منها فائده
من هالفضفضه اللي طلعت من قلبي
ابي كل وحده تدخل وتقول كم لها سنه متخرجه سواء من الثانوي ومادخلت الجامعه
او من الكليه او الجامعه وماتوظفت
ابي ارائكم في اختبارات القدرات وهل تايدين لو يلغونها
ابي كل وحده تفضفض مابقلبها عن المستقبل اللي تتمناه لو تخرجت
وكل وحده تخرجت كمان ولها كم سنه جالسه وماانقبلت بالتوظيف تكتب لنا شعورها
وش تتمنى من المسئولين
اخير لعل بعد هالموضوع احد يمر او ينتشر الموضوع ويلقى نظره حنونه لمعاناتنا كخريجات..
اتمنى الاقي تفاعل بالموضوع واللي تقدر تنشره لاتبخل
نبي نقطه بدايه نبي نحرك العجله لمتى حنا ساكتين
طبعا في اخوات اطلقو حمله خريجات بدون وظيفه
ولكن للحين الحمله لم تشهد نتائج او تطورات
بما ان الحين بمنتدى حواء بنفس الوقت
ابي اسمع اصواتكم
ابي كل وحده تعبر اللي بقلبها وش تتمنى
وشي العقبات اللي واجهتها واللي تبي لها حلول
طبعا كتبت الموضوع بالعاميه عشان اخذ راحتي
كتبته من قلب بدون تنمق للالفاظ او ترتيب
ابي اوصل احساسي للكل بتلقائيه
رفع الله قدركم