السلام عليكم ورحمة الله وبركاتة
مرحبا بنات
ان شاء الله كلكم تمام
مالكم بالطويلة يجي لكم الهم
السالفة وما فيها اني كنت منقطعة عن الدراسة لمدة ما يقارب عشر سنوات وكنت ذاك الوقت في ثالث ثانوي
الله اكرمني وله الحمد والمن والفضل ورجعت درستها وكملت الثانوية بعد صراع مرير
المهم تخرجت باللتي واللتي وقررت ادخل جامعة او كلية
بس ما قدرت اسجل الا في الانتساب المطور
لاكن للاسف زوجي ما رضى البته
نهائي ما يفكر
بعدها بسنة اللي هي هذه السنة لما اختبرت قدرات سجلت في كلية التربية بالجبيل وبعد مرة ثانية في الانتساب المطور
طبعا رجعنا للانتساب المطور زوجي رفضة
وكلية الجبيل جات لي رسالة في الجوال قبل الدراسة بكم يوم اني مقبولة على الاحتياط
طبعا ما اقدر اوصف لكم الشعور
والهيصة
والفرح
والحفلات اللي حسيت فيها
بس ظليت ادق على الكلية ما احد يرد رابطت اسبوع كامل ما حولي احد
فكنت ابقى اسأل البنات اللي يدرسون في الكلية اذا كنت اقدر اسأل او استفسر
او فيه قسم رجال نقدر نراجعهم
او شنهو اقدر اسوي
وهم كنت ابقى اسأل اذا كانت الشهادة الثانوية لها قيمة في هالوقت
يعني تسوى شيء اقدر اتوظف فيها مثلا لو وظيفة ادارية
او شيء من هالقبيل
او خلاص عفى على الثانوية الدهر وكان زمان وقبر
او حتى اذا كنت اقدر اواصل تعليمي بس بدون فلوس
لان اذا بفلوس ما اقدر
وخصوصا ان في الجبيل ما فيه دراسة الا بكلية التربية
او الكلية الجامعية
ويمكن ما ياخذون متأخرات ان كان فاتهم قطار التعليم
اتمنى الاقي وحده عندها الاجابة على تسآؤلاتي
او حتى تقدر تساعدني
او ما يخالف الله يجزيكم الجنة
ترفع الموضوع
او تدعي لي
مو كان حلمي اصير مدرسة
بس ما شاء لي ربي اكون
لحكمه اجهلها انا واللي مثلي
بس ما يخالف
من سار عل الدرب وصل
مو يمكن مستقبلا اصير
ليش لا
؟؟؟؟؟؟
يتيمه تائهه @ytymh_tayhh
كبيرة محررات
يلزم عليك تسجيل الدخول أولًا لكتابة تعليق.
No0o0o0N
•
ماعندي علم ان شاء الله غير يفيدك والله يوفقك
الصفحة الأخيرة