شوفي يا آيس انا فاضية وما عندي شي وبقول لك السالفة وموهدفي اقنعك والا تقنعيني لأن المستفيد هو البنك في كل الاحوال لا انا ولا انتي ولا صديقتك بعد بس انتي سألتي وهذا جواب من القلب ..

الشي الوحيد اللي تستفيدينه من البنك كلام الناس وحسدهم لك على بالهم انك غنية من زود كشختك ورزتك قدام العالم ما يدرون ان في شي اسمه العميل الخفي وهذا يدقق حتى في الملابس اذا مكوية زين والا لا لأن عنده نقاط يمشي عليها والا فلوس البنك للبنك وانتي ما عندك شي ..

اول شي تجي العميلة للصرافة علشان تودع فلوس قولي مبلغ مية الف مثلا فئة مية ريال يعني عشر ربطات وكل ربطة فيها مية ورقة جابتهم كلهم مهدودين على بعض مطلعتهم من شنطتها طبعا بعد ما تضبطينها وترتبيها علشان تحطينها في ماكينة العد لو كان فيها خمس ورقات ابو عشرة او ابو ريال وانتي ما انتبهتي لأن نظرك مو خارق والماكينة تصيد مرة وخمسين مرة تفوت يعني الله بالخير والا اذا كانت الورقة مزيفة يمكن ما تنصاد من جودتها الا باللمس هذا اذا كان عندك خبرة كم سنة وتميزين نوع الورق..

اقول لك شي لو صرفتي شيك لوحدة بثلاثة الاف وعطيتيها بالغلط ثلاثين الف وقعدتوا تدورون العجز كم ساعة وبعدين اكتشفتوا بورق الحاسبة وبالتفقيط للمبلغ خلف الشيك انك عطيتيها ثلاثين الف لفلانة ورقم جوالها خلف الشيك غلط وما عندها حساب عندكم وذمتها وسيعة كيف بتخلينها تدفع والا اذا دقيتي عليها وقالت ما عندي شي والا ممكن تكون وقحة وتقول غلطتك انتي تحمليها يالله قولي لي ايش بتسوين ؟؟

لو كان لك سنة او عشر سنوات في البنك ممكن تغلطين بس الغلطة الصغيرة تندفع وانتهى الموضوع بس الغلطة الكبيرة ممكن فيها سجن وتدفعين المبلغ بعد..

غير كذا الصرافات يسوون عمليات غير الايداع والسحب مثل الودايع والحوالات نفرض انك سويتي حوالة بمبلغ ما بعمولة متفق عليها مع الخزينة وثاني يوم اكتشفتي انك سويتي الحوالة بالغلط وعكستي العملية وصار فرق بسعر الصرف مين يتحمله طبعا انتي .

باختصار الموضوع اكبر من ماكينة العد اللي لو تعدين بيدك احسن لك .
والله من وراء القصد..
هم زوجه موظف بنك ..

ههههههههههههههه
الله يعينكم من جد مشاكل

آخر مرة والله راسي انفر هههههه الله يعين
جزاك الله خير

سلامه راسك يا قلبي ..
شوفي قولي لصاحبتك تروح لأي بنك وتسأل اي موظفه تحسها حليوه عن رأيها في الوظيفه وتاخذ راي كذا وحده وتستخير ..
والله ما ودي لها الا بكل خير ..

الله يسهّل لها الوظيفه المناسبه


ويرزقنا وبنات المسلمين بالوظائف اللي تسوى وترز رز ...


وعلى قولة ( فراوله2000 ) موقع البلاد لاحياة لمن تنادي


لي 5 شهور مقدمه ع الموقع ومعطيني اشكل !!!!!!!!


الله يغنينا به عمن سواه وبحلاله عن حرامه وبطاعته عن معصيته


قولوا آمييييييييييييييييييييييييييييـــــــــــــــــــــــــيييييييييييييييييييييين