وظيفة زوجي الجديدة بين فرحته وهمي وقلقي

السلام عليكم

اخواتي نفسي اشوف اراءكم نفسي يهدأ بالي وارتاح من الهم والتفكير

ضايق صدري من هالموضوع والحمد لله متوكلة على الله وداعيته يكتب لنا مافيه الخير ويصرف عننا مافيه الشر

زوجي جاته وضيفة في احد المستشفيات وجالسه انصحه تكفى اتركها لوجه الله ترى فيها اختلاط وبيعوضك ربي خير منها وهو ماينلام احنا محتاجين وظيفة نصرف منها بدل الديون اللي غطت روسنا بس الاختلاط صعب على قلبي

ابي اسأل كل وحدة زوجها يشتغل بمكان مختلط سواء مستشفى او غيره ..

هل الوظيفة المختلطة أثرت على زوجك بأي شكل من الأشكال ؟؟
هل انتي مرتاحة نفسيا كل يوم يطلع من بيتك زوجك وانتي عارفة انه بيشوف قدام عينه أشكال والوان من البنات منهم المتزينة والكاشفة واللي تتدلع بكلامها وغيره وغيره وغيره ...


اتمنى محد يلومني على موضوعي مثل ماانه يغار ومخليني بالبيت بدون وظيفة من حقي اغار عليه في العمل بمكان اغلبه حريم منهم العاملات معه ومنهم المرضى اللي يراجعون بالمستشفى ..


اتمنى ردود حكيمة وعاقلة والكلمة الطيبة صدقة 🌷🌷