وظيفة مختلطة

صراحة ما اعرف ليه بوقتنا هذا للحين كل ما اشتغلت وحدة بوظيفة مختلطة، لازم تجي وحدة تعلق عليها "ابتعدي عن الاختلاط" ودي اعرف انتم عايشين معنا؟ 😂


ما عاد فيه وظيفة مو مختلطة الا ممكن بقطاع التعليم. الحين الا ما يكون فيه تدخل من قسم الرجال بشغلك حتى لو دوامك ما كان مختلط. المهام الي ياخذونها البنات هاليومين مو مثل اول مدخلة بيانات او كاتبه او غيره من الوظايف الي تقتصر على مهمة او مهمتين. صاروا البنات الحين يشغلون وظايف قيادية ومهمة تتطلب تداخل مع مهام قسم الرجال.


ولا يمكن نقول يلا فلانة جاك تكليف وكيلة قسم الايرادات مثلاً، تبون مثلاً ما يتواصل معها الا نساء والا ما يتقاطع شغلها الا مع نساء؟ دامها محترمة نفسها وعارفة كيف تضع حدود لغيرها بالتعامل ليه نقول لها اتركي الاختلاط؟


تستفزني هالتعليقات صراحة. قبل ١٠ سنين ممكن نقول الاختلاط شيء سيء صراحة لأن ما كان فيه ضوابط، ولا كان فيه شيء يحفظ حق المرأة. الحين الضوابط حافظة حق الجميع بعد الله، والكاميرات بكل مكان والمرأة صارت واعية بالي لها والي عليها. والفرص الوظيفية الغير مختلطة صارت ضئيلة والمعيشة صارت صعبة. لذلك لا نسقط الاحكام على غيرنا بس عشان توظفت وظيفة مختلطة 🙃!


انا ما اتكلم عن نفسي ترى، بس عن بعض التعليقات الي اشوف هنا