وظيفتي صارت فيلم رعب بالنسبة لي

بنات ساعدوني :( انا بدأت شغل جديد واحس انه رح انفجر وزني بشهر نزل 5 كيلوهات هادي اول تجربة عندي والوضع مره سيء .. اولا رح ابدا اتكلم لكم عن الشغل عندنا،، الشغل عندنا اذا مالقيتي احد يدخلك له او يوصي عليك فبعمرك مارح تشتغلي، انا عندي باكالورياس في الاقتصاد و التجارة و عندي اجازة في التجارة والتسيير وعندي ديبلوم في التجارة والتسيير بعد ،، الحمدلله متعلمه بس المشكله اني قعدت في البيت اول شهادك اخذتها كانت ب 2014 واخر وحده كانت ب 2018 فكان حرفيا في تقطع كثيير عشان نصيبي ماكان يجي وماكنت الاقي شغل لدرجة اني خلاص صرت مررره غبية!! ما افقه الا بعد وقت .. ماعلينا ، خالتي الله يسعدها بقالها فترة تدورلي شغل بما انها تشتغل في مكان حلو ولقت لي شغل ودخلوني بالغصب :) عشان ما اضل قاعده في البيت وبس المهم دخلت والمكان فيه بنتين و منظفه وحارس! كانو على اساس يعطوني انا مديرة المكان بس بما انه المسؤولين الكبار شافو انه مهاراتي مو ذاك الزود حطوني بمكانة اقل لحتى اتعلم على الاقل خصوصا اني ما اتكلم كثير و ما افهم بسرعه والتخصص تبع الادارة هو تخصص اول مره اشوفه يعني مكان العمل عن الجمعيات والشغلات الفلاحيه والصناعيه وشغلات مابعمري عرفتها او كان عندي خلفيه عندها + المكان لازمك تكوني فيه قوية وقادرة مستقوية تتكلمين كثيير واجتماعيه مره وعندك قدرة على التواصل وانا هذا الشي جديد علي مرهههه ولا بعمري شفته و لا افقه عنه وبعيد كل البعد عن الي درسته وفوق ذا شخصيتي ابدا مو قوية واستحي ، بس هي فرصة اجت المفروض استغلها ولا ارجع عالبيت اقعد نفس السنوات الي فاتو :(المهم ماعلينا البنات جابو خبر انهم دخلوني بالمعرفة (وعلى فكرة حتى هم نفس الشي في مراة اول مافتحو الادارة هي يلي جمعت البنات يلي هناك ودخلتهم بس بما انه بقالهم سنتين يشتغلون صارو ينكرو ذا الشي ويصرفون على اساس انهم دخلو بعرق كتفهم) كلما يشوفوني يلقحولي كلام وهم متفاهمين سوا وانا الدخيلة بينهم! يتناقشون معي ويحطو الكلام بوجهي كانهم يتهاوشون وانا بس اناظر 😮 مثلا اذا قعدنا سوا مع اني اتجنب ذا يصير واتكلمو في موضوع عن كيف اتشغلو على طول يناظروني ويقولو نحن سوينا وسوينا و انهلكنا مو مثلك ،مقابلتنا كانت صعبه مرره مو مثلك، اول ما جينا الشغل ماحد ورانا شي فيه انجزنا لحالنا مو مثلك!! كلامهم زي السم كذا على طول وفي وجهي واذا تكلمو يرفعون اصواتهم كانهم يتهاوشون ويتناقشون وانا بس اناظر مقدر حتى ادافع على نفسي! ايش اسوي ؟ حتى المنظفة تتكلم عشانهم اصحاب من سنتين فكلهم ضدي وانا بس اناظر واذا جيت ارد يقولون اخفضي صوتك نحن بس نتناقش او نحن بس نقولك افهمي الكلام او اي شي يستفز الشخص اكثر!!المسؤولين او المشرفين عن المكان الكبار مو موجودين! عندهم اشغال ثانيه ف انا للاسف محشورة بالمكان بين بنات مرك سامات،، واحده منهم لما راحت المديرة القديمه صارت تسوي فيها هي المديرة فجيتي من الاصل مو هاضمتها ابدا! بخصوص شهاداتهم مره ضعيفه ماعندهم شهادات كبيرة وكذا اول ما اخذو اول ديبلوم لقوا شغل على طول فوضعهم مو مثل وضعي حتى انا نسيت كلشي هم قدرو على طول ينحطوا بالشغل اول ماخلصو!تمام كل هالشي تمام نجي لاكثر شي يقهر، اي شي اسويه بالنسبة لهم غلط ومو صح وما افهم! يدققون بتفاصيل بشغلي مو طبيعيه ، يتركون كل الشغل ويدققون مثلا ب ديزاين الورقة او اي شي ثاني ،، خلوني احس اني غبيه اكثر واكثر ب اول ايام بس بعدين لما صرت اتاقلم شوي وصارت ملفاتهم تجي بيدي صرت الاقي عندهم اخطاء موووو طبيعيه بملفات منججزة!! واذا رحت قلت شوفي هذا كانه غلط ايش اسوي فيه؟ يحطون اللوم علي من جديد ويقولون لا المفروض ماتركزي هنا المفروض انتي من حالك تركزي هناك مو هنا! اذا انا اخطات في شي جدا بسيط يتلمون علي كلهم ويأوفروو احاول افهمهم انه انا ماسويت كذا وكذا على طول رفض لاا مو كذا لااا انتي مافهمتي على طول صريخ مايسمعون لك حتى واذا جيتي تتكلمين تحسين انك تقولي كلمه في الشرق ويردون هم عليك في الغرب! اما اذا اجا مسؤول يسوون دراما كاني قاتلة احد يحاولون يبينون شطارتهم على حسب خطئي التافه وعلى طول صراخ ومايسمعون لك حتى ومهما قلتي يردون لاااااا انتي الي افهمي علينا مو كذا انا فهمتك بس انتي الي مافهمتي حتى الطباعة بمكتبي معطله ف انا لاني افهم شوي بالالكترونيات احاول اضبطها عشان تطلعلي ورقة عالاقل رغم كذا مايفهمون انه الطباعه عندي معطلهه يحطون اللوم علي انا 😭😂حرت وربي ماعاد اعرف ايش اسوي جاحدين وقواياا وعندهم خبرك بعكسي انا مره ضعيفه وكيوت ولطيفه وما اقدر ااذي احد حتى لو بكلمه صغيره، صرت اشوف نفسي غبيه وما افهم وضعيفه واسوء شخص بالكرة الارضيه!اول يومين من لما بديت كنت اول ما اجي اطلع اذا كنت طالعه برا اخذ معي شنطتي عشان يمكن احتاج الفلوس الي فيها وفيها بعد بطاقاتي وكلشي ، شوي الاقهيم مسويين اجتماع ونادوني تعالي يافلانه قلت خير ، قالو قالو انتي ليش كلما جيتي تطلعي تطلعين شنطتك معك؟ انتي بكذا قاعده تقللي من شأننا وتنقصين منا! قلت اسفه بس مافهمت ؟ قالو شنطتك خليها وقت تجي تطلعين محد بيسرقك نحن بنوثق ببعض وربي انصعقت لما سمعت كلامهم انا وييين وهما وييييييننن!!!اخذت لهم فطور مرتين عشان قلت يمكن يصيرو كويسين وبني ادمين! احس بعد الفطورين صارو يشوفوني اضعف ، ومن يومها محد فيهم جاب اكل واذا جابو اكل ياكلون لحالهم واذا حسو باحراج يقولون تبين يافلانه؟ بس كذا عاساس يسوون الي عليهم! انا اصلا ماحب اكل معهم الي فيني مكفيني بس فكرة انه اخذت لكم مرتين فطور المفروض المعامله الحسنة مني الاقي مثلها ،، المهم الشغل صار زي فيلم رعب بالنسبة لي وماقدر اتركه بالعكس خايفه هم يكملون كذا ويستقوون اكثر ويبينو لرؤسائي اني ما افقه وما افهم ويفصلوني :((( خصوصا اني فايته بس واسطه 💔 واقول واسطه او معرفه وانا مو مبسوطه من الكلمه بس حتى هم دخلو بنفس الطريقة والشغل كله صار كذاا صعب تلاقينه والدليل رغم شهاداتي ماكنت الاقي شغل قبل بعكسم اول شهادة لهم قدرو يلاقو يشغل ويفوتو ما قعدو بالبيت وصارت عندهم مهارات من اول مشوار حياتهم :(ادري اني طولت بس حبيت افضفض يمكن احد يشوف كلامي ويكون مر من نفس تجربتي وينصحني ب ايش اسوي وكيف اتجاهل وكيف اتأقلم ترا وربي بعد شهر نزلت ٥ كيلو الي يشوفني يقول خير شفيك!!