وظيفتي واصرار زوجي ع الرفض

السلام عليكم ،،،، كيفكم صبايا؟؟؟
كل عاااام وانتم بخيررر،،،،والله ماانبسطت في العيد كله من زوجي الله يهديه مصر اني اترك وظيفتي ( ماداومت الا اسبوع قبل الاجازه ) طبعا في هالاسبوع كان يوديني ويجيبني وماجاب لي طاري اني اتركها وكان يفكر في مشروع وماطرا عليه يحطه باسمي وفي بدايه الاجازه قالي خلاص مافي دوام اتركي وظيفتك قلت ليش قالي بكتب موسسه باسمك واشتغل فيها وانتي خلاص امسكي بيتك وولدك مع انه في هالاسبوع كان ولدي عنده الصبح ينامون مع بعض طبعا هو دوامه مسائي طبعا ناقشته بهدوء قلت هذا مو كلامك انت طول عمرك تشجعني ع الوظيفه ومن يوم تزوجتك ماجبت طاري انك رافض وظيفتي قالي اللحين الوضع تغير انا بشتغل في مشروع مربح واغنيك ماله داعي للوظيفه وولدك محتاجك ليش تبين تهملينه ومن هالكلام الي يغث ،،،، انصدمت صررراحه صدددق ان الفلوس تغير النفوس وهذا هو توه مااشتغل تغير علي اجل كيف لو يجمع له كم قرررش 💔الله يستر من هالرجال ،،، بنات انا الي قاهرني انه جاء قراره فجاه وصدمني عقب ما ضمنت الوظيفه واستقريت فيها جاء يقولي هالكلام ،،،، صح لو قايلي رايه من بدايه زواجنا كان اقتنعت ،،،، بنات انا طموحي من كنت صغيره اني اكون موظفه مااحب جلسه البيت ولا اتخيل نفسي ربه بيت احب قومة الصبح وجو العمل والله العظيم في الاسبوع تغيرت نفسيتي ونظمت نفسي واهتميت في ولدي وبيتي اكثر من قبل وفجاه يجي يقولي اتركيها اااااه يالقهر لو ادري ان هذا موقفه معي كان شرطت عليه في العقد في ملكتي بس وقتها قلت يكفي اخوي كلمه عن رغبتي وقالها هذا من حقها وفجاه من صارت جد يجي ويقولي مافيه ،،،،،، بنات انا اللحين ابي حيله عليه ،،،، كييييييفففف؟؟؟؟ طبعا انا اشتغل في مدرسه اهليه وش اقوله ،،،، اقوله المديره رفضت مافي استقاله الا بعد شهر ولازم بديله ؟؟؟ بتمشي عليه ولا ،،،، انا ادري انه ماراح ينتظرني شهر ... الشي الثاني الي فكرت فيه اخلي امي تكلمه بهدوء وتحاول تقنعه وتقوله ع الاقل خلها ترم عشان تاخذ خبرررره وش رايكم اخاف يقول ليش تدخلين امك هذا شي بيني وبينك ،،، بنات انا مره مقهوره ماودي اتركها ارتحت فيها وحبيتها ولقيت لي سواق يودينيويجيبني قهرني مافي سبب للرفض الا عناده بامكانه ياخذ اي اسم من خواته بس هو قالي بالحرف الواحد مابي الا اسمك انتي يعني المساله عناد💔💔😭😭وششش السوووواه انا مصره وهو مصر