وظيفه عن بعد او اي شي

اول شي لازم تعرفين ايش هي امكانياتك وخبراتك

يعني ايش ممكن تقدمين خدمات عن بعد مثلاً تصميم اعلانات مونتاج فيديوهات تسويق مندوبه خدمة عملاء نشر واعلان ... الخ ، ثم اعرضي خدماتك على الناس .




وبخصوص انك تكتبين مواضيع او مقالات وتدوينات مقابل 500 ريال وتشوفينها قليله والله رفعتي سقف طموحك كثثييييير

تدرين ان هذا الشي تعبه اكثر من المقابل المادي وانا اعرف هذا الشي لاني موظفه بشركه ولي اطلاع على هذي الطلبات واعرف كم الاسعار اللي بالسوق

تخيلي تكرفين بالموقع الواحد 1000 موضوع ومشاركه لمدة اسبوعين او شهر والمقابل مايتعدى50 أو 100 ريال

والمقال الواحد الحصري وتكون كتابته حسب الطلب مثلاً عن التقنيه والتكنولوجيا والتطبيقات مع اشتراط عدد كلمات معينه مثلاً 500 كلمه او 700 ومدعم بالصور وشروط مايتقنها الا الكاتب المتخصص فعلياً في هذا المجال

وباالنهايه المقال الواحد بين 1 إلى 5 دولار فقط يعني بين ثلاثه ريال الى 18 ريال .

ومن خبرتي هذا المجال مايستفيد منه الا الناس اللي من الدول العربيه الثانيه لان الريال لما يحولونه لعملتهم يطلع كثير