انا زوجي ايام الملجه 24 ساعه مقابل ويهي وكل مره يجيب لي معاه ورده ولا تلفون ولا عطر مره ياب لي طقم ذهب ابيض عليه قلب مرصع بالألماس صح انه صغير بس كان رااااقي راقي وكل هالأشياء كانت بدون مناسبه بس من تزوجنا هداياه وايد خفت وماصار اييب شي نسى الرومنسيه يوم اقول له الله يرحم ايام قبل ما تدخل علي و ايدك فاضيه يقول لي خلاص صدناج وضمناج ويقول خلاص يبتيلي العيال شو ابا بعد يعني كل اللي كان يسويه دهااااااااان سير بس الحمدلله الكلام الحلو بعده موجود يارب احفظ لي حبيبي ريلي ابو عيالي و عيالي آمييييييييين

انا دايمن اهديه عطور و ملابس رجاليه و نعل وهدايا مسكين ينحرج مني و يقول والله خاطري اسويلج بس ما اعرف شي ما عرف شو اسويلج اقول له اهم شي انك فكرت بس ولا انت ما تقصر يفرررررررررررررح فديته

صدقوني الرجال رومانسيين بس ما يعرفون الخطوه الأولى ولا هم فخاطرهم وايد اشياء مب بس ريلي حتى أخواني الرجال المعرسيين

هههههههههههههههه انا مره اهديت زوجي جوال خليت صاحبتي شرته وقالي اش البعزقه هاذي ماله داعي ورجع الجوال واخذ الفلوس ومره ثانيه جبت له هديه بالعيد عطورات ومنظفات قال شكرا بس مالها داعي صرفيه على الفاضي لاعاد تجيبين لي شي لانك لو اهديتيني لازم ارد الهديه وانا مااعترف بالخرابيط هاذي وش رايكم متخلف صح

تصدقين يا قوت القلوب
لو انا اختك والله لازعل عليك
وانصح كل وحده تخلي سعادتها لنفسها لانها يمكن تكسر نفوس البعض وربي يعاقبها باصابتها بالعين حتى لو كانو من اقرب الاقربين

زين لو يوجد ها الرجل النادر