وعدني يتركه واخلف وعده

الدخان مو بالسهوله يتركونه ولما وعدك مايدري وشو طلبك وبعدين اسلوبك خطا مره كذا يتشفق عليه لما فجاه تاخذينه لازم بالتدريج مثل الطفل لما يترك الرضاعه شوي شوي ودايما انصحيه ذكريه بالامراض والجلطات يبدا يفكر بكلامك ويتركه من نفسه وعليك بالدعاء ان شاءالله ربي يهدي ازواجنا ويتركونه

حبيبتي ترك الدخان مو بالسهولة هذي خلاص وعدك وانتي كسرتي الباكيت وانتهى الموضوع تركه خلاص
ترك الدخان لازم بالاول يخفف وشوي شوي يتركه السالفة يبغالها شهور مو بيوم وليلة تصير لان لو تركه مرة وحدة بيقلب عليكم انسان عصبي ومتوحش بسبب نقص النوكوتين
واهم شي يكون مقتنع بتركه مو لان وعدك الشي اذا ماجا بقناعه مارح يصير ولا رح يسعاله يعني وعدك او ماوعدك كله واحد يعني شوي شوي مو مرة وحدة هدي نفسك واصبري شوي
اتمنى اكون افدتك

الترك بالتدريج غير كذا صعب..يعني يبدا يقلل عدد السجاير كل يوم...بس تراه يبغا له اراده من نفس الشخص

الدخان إدمان مو بالساهل يتركه بين يوم وليله هذا شي مستحيل
جدتي ثلاثين سنه تترجى ابوي يتركه يقولها ع خشمي ابشري ويوعدها بس مو بكيفه ماتت جدتي وهو ماتركه وامي واحنا ع راسه قال مو بيدي بس اوعدكم اخفف وفعلا بدا يخفف كثير عن اول وفي طريقه لتركه باذن الله
مو ع طول تقولين اتركه خلاص يتركه هذا إدمان مو عصير ولا اكله يتركها وينساها
صداع خرمه الدخان يقولون زي الشنيور فالراس صداع فضيع ماحد يتحمله
زوجي قال لي كذا لانه للاسف يدخن بشراهه بس من جبت ولدي صرت اقوله حرام عليك صحتي وصحه ولدي فالنازل اتق الله فينا صار يخفف اول كان فاليوم بكتين دخان الان شويه شويه بدا يخفف صار بكت فاليوم ويمكن بكت الا اربع حبات
اصبري عليه قولي مستعده اوقف معك تخفف فالبدايه
بس توعدني تخفف لين تقطعه مره
كمان فيه حبوب شامبكس حلوه فالصيدليه مع الاصرار والعزيمه تخليه يكرهه ريحه الدخان

وأنتي صدقتي نفسك وصدقتيه انه راح يترك التدخين و الكيف عشان كلمه و وعد !!!
خلاص مادام الرجال محترمك و عند كلمته ع الأقل قدامك ويدخن من وراك ومايبغاك تعرفي
لاااااتواجهيه
سيبيه في حاله أهم شي إنه مايدخن في بيتك و يكتمكم.