(وعزتي وجلالي لانصرنك ولو بعد حين)

السلام عليكم كيفكم خواتي
انا بنت مطلقه من سنه تقريبآ الطلاق كان بقرار من الزوج ابحكي لكم مختصر حياتي وابيكم تحكمون هل انا مظلومه والا لا
انا تزوجت من شخص يحبني وتعب الين تزوجني بعد الزواج كان انسان طيب مع اني تزوجته مجبره ولست مخيره تعبت الين حبيته وتاقلمت عليه اول سنتين كان انسان طيب تمر بعض المنغصات بس كان طيب رزقت باول ابن تغير زوجي ١٨٠درجه صار اناني في كل شي والله ان حياتي صارت هم ونكد لايتكلم معي ولايعطيني مصروف ولا يناقشني في اي شي صار نومه بغرفه وانا بغرفه تحملت وقلت يمكن عادي وقدر الله وحملت بالطفل الثاني وسات حالة زوجي صرت اشوفه وقت النوم وبس مالي علاقه ولا باي شي ثاني صار انسان غريب تخيلو صرت ما اعرف عنه غير اسمه ما اعرف كم راتبه ولا وين يصرفه اي شي اطلبه للبيت يقول ماله داعي والا بشوف صرت محجوزه بشقه ما ازور احد ولا احد يزورني ولا يطلعني الا مطعم او سوبر ماركت ولا يسولف ولايضحك ولازم اكون بالبيت قبل المغرب عشان يطلع هو وصبرت وكله عشان عيالي والله كان يرجع ٣باليل يحصلني جاهزه انتظره اسوي له مساج لجسمه وادهن رجوله واسوي لها مساج تطورت حالته صار يسافر ويتركني بالشقه حتى مصروف لو صار شي اضطراري ماكان يحط معي كنت اعرف انه يخون وانه برا البيت يسولف ويضحك وينبسط وانقهر ليه مافكر فيني ماني انسانه احب الوناسه مثله كنت اكبت واكبت وانتظره الين يجي من برا واقوله خلنا نتفاهم هذا مو وضع ولا عيشه يرد علي وبالحرف لا مابي نتفاهم حاولت معاه نعيش افضل بس رافض تمامآ النقاش والتفاهم وكلت امري لله وصبرت وجاء اليوم اللي قالي يافلانه الله يوفقك ويسعدك انتي طالق سالته لييييه وش فيه فيني شي قالي بالحرف الواحد احنا سعادتنا ماهي مع بعض لا تفكيرك زي تفكيري ولا اللي يعجبك يعجبني الا فضل نتطلق وبعد الطلاق ب٦شهور خطب وبعد الخطبه ٥شهور تزوج وحده اكبر منه ب١٠سنين ومطلقه بس موضفه وعندها بيت
انا الى اللحضه هاذي وانا ادعي عليه وعلى ضلمه لي
حياتي معه كانت سجن كل شي ممنوع واذا مرضت مايوديني الا اذا خلاص تدهورت طلعات وتمشيات ووناسه وزيارات مافيه تخيلو بس مع اهله عزلني عن الناس كلها بس هو يطلع ويستانس وينبسط اي شي اساله مالك دخل وش تبين
انا ما اقول اني ملاك كنت انظغط واتعب واحيان انغجر عليه بس كلها منه هو مو مني
اعذروني كلامي مو مرتب بس والله ودي احد يفهمني انا مظلومه والا لا؟
بعد الطلاق ب٩شهور قالي احبك واشتقت لك وطلب يشوفني وانا رفضت قلت له كنت حلالك وانت اللي طلقت وبعد زواجه بعد طلب يشوفني ورفضت انا مو براعية حرام واخاف ربي والله
اشتقت لبيتي اللي تعبت الين وفرت كل شي ابيه فيه اشتقت لمكان يلمني مع عيالي لحالنا
حسبي الله ونعم الوكيل في كل ظالم وظالمه
انتظر ردودكم 😔😔😔